Basaaska Arsenal oo magaciisu yahay Grimandi ayaa dhawaaq xanuun badan kusoo tuuray taageerayaasha Arsenal oo isbuucyadan ka walwalsanaa xaalada Van Persie halka ay ku dhamaan doonto, markii uu si toos ah ugu sheegay in lasoo wareegidii weeraryahan Giroud macnaheedu ahaa inuu badalo booska Van Persie oo tagaya.

Hadalkan uu ninkan masuulka ah u sheegay warbaahinta faransiiska, ayuu ku dheeraaday sida ay kooxdu isugu diyaarineyso tagida Van Persie kadib oo uu ku tilmaamay inay ahayd inuu la joogo kooxdiisa uu usoo sabartay 7 sano, halkii sano ee uu la qabsadayna iska tagayo waana abaal dhac weyn.

Grimandi oo xilli ahaa difaac u ciyaara Arsenal ayaa hada u qaabilsan soo indha indheyta iyo basaasida ciyaartoyda ay kooxdu u baahantahay, waxa uuna toos uga shaqeeya dalka faransiiska oo xidiga badani kooxda kala soo wareegtay haba ugu danbeeyee Olivier Giroud oo bishii hore kusoo biiray Arsenal.

Sheekada Van Persie ayaa la dhihi karaa sanadkani waa tan ugu hadal heynta badan warbaahinta caalamka waxaana sabab looga dhigay sida uu magaciisu usii kordhay kadib magacaabidii ciyaariyahanka sanadka Ingiriiska iyo gooldhaliyihii ku guuleystay kabahii dahanka intaba. 

Waxaa diyaariyay.

Mohamed Deeyoo

deeyoo_admin@hotmail.com

Oslo / Norway