deeyoo.com, bogga ciyaaraha suugaanta iyo arimaha bulshada

Waxaa Magaalada Qaahira ee dalka Masar ka dhacday ciyaar dhex martay xulalka 17 jirada Soomaaliya iyo Masar oo ka mid aheyd laba ciyaarood oo ka mid ah Ciyaaraha Isreebreebka Caf ee qaarada Afrika oo ay wada yeelanayeen todobaadkaan waxaana soo wajahaday Xulka Soomaaliya Guurladarradii ugu horeysay oo uu kala kulmay Xulka Masaarida kadib markii 3 Gool iyo 0 looga badiyay xulka Qaranka Soomaaliya taasoo ay ciyaartii ugu horeysay ee la xisaabinayay Guriga Masar guul ay ku gaareen Xulka 17ka sano jirada ee Masar.

Garoonka Petro Sport oo ay ciyaartu ka dhaceysay ayaa ka mid ahaa kuwa ugu waaweyn Magaalada Qaaahira waxaana uu jawiga ahaa mid aad u xamaasadeysan waxaana soo buuxiyay garoonka taageerayaasha Xulka Soomaaliya oo lulayay astaamaha iyo midabada u gaarka ah dalka Soomaalia iyagoo ku dhawaaqayay halgudhegyo lagu taageerayayay dhiirigalinayayna ciyaartoyda.

Laacibiinta Xulka Soomaaliya oo soo bandhigay ciyaar aad u xiiso badan ayaa waxaa goolka ugu horeeyay laga dhaliyay daqiiqadii koowaad ee ciyaarta taasoo ay Masaarida niyada ku dhisteen maadaama ay aad ugu baqayeen Junyarka Soomaaliya oo lasoo shartagay farsamo aad u sareeysa.

Goolkii Labaad ee ay Masaaarida helaan ayaa waxaa xulkeena Somalia laga dhaliyay daqiiqadii 21-aad halka midka sedexaadna loo daba dhigay xulka daqiiqadii 38-aad iyadoo kadibna ay difaac adag sameeyeen ciyaartooyda Soomaalida iyagoo markaasina cayaarayay qaabka lidka ku ah weerarka oo la ogsoonaa in Xulka Masar lagu sigay dhowr kubadood, iyadoo Xulka Soomaaliya ay ka fursado badnaayeen Masaarida.

Maadaama Xulka Qaranka 17 jirada Soomaaliya loo saariyay guuldarro ayaa waxaa Si kastaba ha ahaatee laga wardhowrayaa is aragga labaad Ciyaarta soo socota taasoo ay Magaalada Alexanderia ku xifaaltami doonaan markale Labadan Qaran iyadoo Soomaaliya loo rajeynayo inay wax ka bedeli doonaan qaab ciyaaroodkooda maadaama ay hal qeyb oo ciyaartii hore ka tirsan kaliya ku fahmeen kubbadda Masaarida taasoo cadeyn ay u tahay in Masaarida ay kubadda taabsiin waayeen qeybtii labaad ee ciyaarta goosha Xulka Soomaaliya taasoo ugu dambeyn ay ciyaarta kusoo afjaranta 3 gool oo Masaarida heleen iyo waxba.

Xulka Qaranka 17 jirada ee Soomaaliya ayaa bishii lasoo dhaafay tababar ugu xareysnaa Magaalada Dooxa ee dalka Qatar, iyagoo dalka Qatar ka helay taageero , waxaana loosoo dhiibay xulka si uu leyliyo tababare Yuusuf Aadan oo ka mid ah Soomaalida haysta Dhalashada dalka Qatar waxaana ku xigeen u ah Yuu Cali oo ka mid ah ciyaartooydii Qaranka Soomaaliya waxaana ay Xulka 17 jirada laga dareemayay inay heleen qibrad iyo farsamo iyagoo ka duwanaa qaramadii hore loo soo xuli jiray waxaana la dhowrayaa kulanka ama is araga labaad oo ay markale dalka Masar iskaga hor imaan doonaan Qaranka Soomaaliya Maalinta Jimcaha Magaalada Alexanderia oo 300 Kilo meter u jirta Qaahira ahna caasimada labaad ee dalka Masar.