Daafaca xulka Ingiriska Michael Dawson oo ka maqnaanaya kulanka  Switzerland v England.

Daafaca xulka wadanka ingiriska iyo naadiga Tottenham Michael Dawson ayaa ka maqnaan doona kulanka isreeb reebka koobka qaramada yurub 2012 oo ay la ciyaarayan todobaadkan dalka Switzerland kadib markii xidigaan uu dhaawac uu soo gaaray kulankii Bulgaria ay la ciyaareen jimcihii.

Daafaca dhexe naadiga Tottenham Michael Dawson ayaa ka dhaawacmay jilibka qeybtii 2-aad kulankii 4-0 ay kaga adkaadeen dalka Bulgaria waxaana dib loogu diray naadigiisa.

Michael Dawson oo 26 jir ah ayaa tijaabo laga qaaday lagu sheegay inuu ciyaari Karin kulankas todobaadkan dalkiisa ingiriiska uu la ciyaarayo dalka Switzerland.

Kadib markii la xaqiijiyay in Michael Dawson uu san ciyaari Karin kulana todobadkan ayaa waxaa loo yeeray oo lagu badalay booskiisa daafaca dhexe kooxda West Ham Matthew Upson.waxaana sidoo kale loo yeeray Phil Jagielka,

Sidoo kale Cahil ayaa waxaa uu noqday xidigii ugu horeeyay ee kooxda Bolton oo u ciyaara xulka Ingiriiska tan iyo Michael Ricketts oo u ciyaaray xulka Ingiriiska 2002 halka Jagielka uu u ciyaaray xulka ingiriska kulankiisa 5-aad waxaana tababare Capello uu doorbiyadaa Upson oo leh khibrad waxaana ka dhinac ciyaaraya xidiga kooxda Evertons Jagielka kulanka ka dhacaya magaalada Basel ee ku taala xadka Dalka Switzerland uu la wadaago dalka Faransiiska.

Kabtanka kooxda West Ham Upson ayaa laga tagay labadii kulan ee  ugu dambeeyay oo ay la kala ciyaaren Hungary iyo Bulgaria inkastoo uu ciyaaray kulamadii koobka adduunka ee dalalka Slovenia iyo Germany ay la kala ciyaareen.

Xidigaha dookha 1-aad ee xulka Ingiriiska John Terry and Rio Ferdinand ayaa ku maqan dhaawacyo kazoo kala gaaray jilibka iyo bowdada.

Dhaawaca soo garay Michael Dawson ayaa u ah aqbaar naxdin leh kooxda Tottenham oo kulamada koobka horyaalada yurub bishan 14-keeda la ciyaaraysa kooxda reer Jarmal ee Werder Bremen iyo kulamada kale ee horyaalka Ingiriiska.