Tababaraha kooxda Real Madrid ayaa waxaa uu sheegay inuu doonayo xidigaha kala ah Drogba iyo Adebayor inuu lasoo wareego.

Jose Morrinho ayaa ka dhawaajiyay inuu u baahan yahay weeraryahano wanagsan kuwas oo uu ku dagaal galayo xiliga soo aadan.

Musharaxiinta ugu horeeyay ee uu afkiisa ka sheegay ayaa noqday xidigiha reer Afrika Drogba iyo Adebayor kuwas oo u kala ciyaara naadiyada Chelsea iyo Man City.

Kooxda weyn ee wadanka Spain oo si wanaagsan ugu soo tukamaysatay suuqa kala iibsiga xiligaan ayaa wali doonaysa inay hesho weeraryahano awood u leh inay dhaliyaan goolal badan sida Drogba oo Kale.

War kazoo baxay xafiiska wararka Real Madrid ayaa lagu sheegay in wali Morrinho u baahan yahay inuu hello xidig ka ciyaara nambarka 9-aad iyadoo kooxdas ay ku sugan yihiin weeraryahanada kala ah Karim Benzema iyo Gonzalo Higuain.

Tababraha reer Portugal Jose Morrinho aya si weyn u jecel Dogba isagoo ahaa shaqsigii keenay xidigas dalka Ingiriska iyo kooxda Chelsea.

Weeraryahanka wadanka Ivory Coast Drogba oo 32 jir ah wuxu ku adkaysanayaa inuu ku faraxsan yahy garoonka Stamford Bridge laakin waa ay adkaan kartaa inuu sii joogo kooxda hadii uu dalab kaga yimaado kooxda Real Madrid waliba uu macalin ka yahay tababare Jose Morrinho oo ay si aad ah isugu dhow yihiin.

Xidigii hore ee kooxda Arsenal Adebayor ayanan kusoo bilaabanin kulankii furitanka horyaalka Ingirista todobaadkii tagay waxaana dhawaanahaan lala xiririnayay kooxda reer Talyaani ee Juventis.

Adebayor oo 26 jir ah ayay Manchester city keensatay badalkiisa waana Baloteli kaas oo ay kazoo iibsadeen kooxda Inter Milan ee dalka Talyaaniga.

Morrinho wuxuu kaloo doonayaa inuu lasoo wareego xidig loogu yeero Drogbaha cusub kaasi oo lagu magacaabo Romelu Lukaku.

Sidoo kale liiska soo dukaamaysiga tababaraha Real Madrid Morrinho waxaa lagu arkay xidiga kooxda PSV Einfheven Ola Toivonen, sidoo kale xidigaan waxa si wada jir u doonaya naadiyada Liverpool iyo Tottenham.

Morrinho ayaa waxaa uu doonayaa in uusan iibinin xidigihiisa qadka dhexe sida Lassana Diarra Rafael van der Vaart, Mahamadou Diarra , Iyo Fernando Gago laakin waxay isku qilaafeen iibka xidigahaas agaasimaha ciyaaraha Real Madrid Valdano oo doonaya inuu dhagaysto dalabyo lagu doonayo xidigaha qadka dhexe. 

Tababaraha kooxda Wolfsburg Steve McClaren ayaa isku dayaya inuu lasoo saxiixdo xidiga qadka dhexe wadanka Holland Van der Vaart oo sidoo kale ay wada doonayaan naadiyada Liverpool,Chelsea halka Benfica iyo  Galatasaray  ayaa u hanqal tagaya Royston Drenthe