|
|
|
|||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||
|
Anelka oo si jees jees ah ugu jawaabay
ganaax isaga iyo saaxiibadiis ay dul dhigtay gudiga Anshaxa
Faransiiska 18.08.2010, deeyoo.com. Gooldhaliyaha Chelsea Nicolas Anelka ayaa wax lagu qoslo ku tilmaamay go`aan shalayto kasoo baxay gudi anshax oo uu xiriirka kubada cagta Faransiiska u xilsaaray caabtii xulka faransiiska ka raacday koobkii aduunka 2010 lagu qabtay dalka Koofur Afrika. Anelka ayaa lagu eedeeyey inuu aflagaado qaawan u geystay macalinkiisa Raymond Domenech kaambiyada kulankii ay la yeesheen qaranka Mexico inkastoo aan si dhab ah loo ogeyn kalmadihii uu isticmaalay maadaama isaga iyo saaxibadiisba sheegeen hadaladii markii hore lagu daabacay saxaafada Faransiiska ineysan aheyn wixii uu yiri Anelka. Anelka ayaa fadeexadaas ka dib lagu qasbay inuu ku laabto dalkiisa iyadoo xulkii qaranka Faransiiska ee uu kabtanka u ahaa Evra sameeyeen ashtako ay ku diideen iney tababarka qaataan taasoo weji gabax ku noqotay guud ahaan kubada cagta faransiiska. - Gudigan la sheegayo waa iska sheeko, waa wax lagu shactareysto oo sidaan u qoslaayey baan bakhti rabay ayuu yiri Anelka mar uu ka hadlayey aragtidiidsa ganaaxa looga mamnuucay maaliyada qaranka. - Aniga waxaan hore u sheegay in waqtigeyga xulka qaranka uu dhamaaday 19 Juun markii la iga soo saaray xulka sidaa darteed aniga ahaan go`aanka gudigaan waa mid aan nuxur laheyn, waa iska ruwaayad lagu maaweelinaayo dadka si qaranka Faransiiska hore ugu socdo isla markaana tababare Laurent Blanc u helo bilow cusub ayuu yiri Anelka.
Gudigan anshaxa ayaa Anelka ku ganaaxay inuu 18 kulan u safan karin qaranka halka kabtankii waqtigaas Patrice Evra 5 kulan, Franck Ribéry oo kabtan kuxigen ahaa ayaa la ganaaxay 3 kulan iyadoo Jérémy Toulalan 1 kulan la ganaaxay. Eric Abida oo diiday inuu safto kulankii ugu dambeeyey ee ay la cayaarayeen qaranka Koofur Afrika ayaa ka badbaaday ganaaxa. Qaar ka tirsan xidigihii xulka Faransiiska ayaa eeda fadeexadii dhacday dusha uga tuuray tababare iyadoo Evra gudigaan ku eedeeyey in mudaaharaadkii ay ku diideen tababarka loo kala sooco cayaaryahanada wuxuuna sheegay in dhamaantood ay isku dooni saarnaayeen isla markaana aysan jirin cid lagu qasbay ka qeyb qaadashada diidmada tababarkaas.
Asad A. Omar "afey" deeyoo_edit@hotmail.com
|
|
|||||||||||||||||||||||||||||||||||||||||||||||||
|
©2009 www.deeyoo.com |
|||||||||||||||||||||||||||||||||||||||||||||||||||
Anelka, Evra, Ribery iyo Toulalan
