|
|
|
|||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
Seedorf oo diiday inuu qarankiisa u ciyaaro
tartanka qaramada Yurub 14.05.2008, deeyoo.com Xidiga qadka dhexe ee AC Milan Clarence Seedorf ayaa ku dhawaaqay inuu si ku meel gaar ah uga fariistay xulka qaranka Holland isagoo sabab ugu dhigay inuusan la shaqeyn karin macalinka qaranka Van Basten. Seedorf oo qaranka laga reebay intii u dhexeysay 2004 ilaa 2006 isla markaana fursad u helin inuu safto koobkii aduunka ee 2006 ayaa mar kale lagu daray xulka isagoo qeyb ka ahaa kooxdii Holland ee usoo baxdey qaramada Yurub hase yeeshee Seedorf ayaa ka yaabiyey bulshada isboortiga markii uu shalay ku dhawaaqay inuu si kumeel gaar ah uga fariistay xulka qaranka. Tababare Van Basten ayaa dhowaan liis 30 ciyaaryahan ah oo uu ku jiro Seedorf isagoo lama filaan ku tilmaamay go`aanka Seedorf ku gaaray inuu ka fariistay xulka 3 todobaad ka hor bilowga tartanka qaramada Yurub oo 7da bisha soo socota furmi doono. Seedor oo hada 32 jir ah ayaa sheegay iney aad u adagtahay inuu la shaqeeyo tababare Van Basten isla markaana mudadii uu xulka qeyb ka ahaa uusan arkin sabab uu xulka ugu sii jiro isagoo sheegay sababta uu go`aankan u qaatey ay tahay wanaaga kooxda wuxuuna balan qaaday inuu mar kale xiran doono maaliyada qaranka marka uu dhamaado qaramada Yurub hadii xulka lagu daro xiligaas oo ah marka uu qaranka ka tegaayo tababare Van Basten oo booska u baneynaya macalinka cusub Bert van Marwijk. Ciyaaryahanka qadka dhexe ee Bayern Munich Mark van Bommel ayaa isna hore u sheegay inuusan qaranka u ciyaari doonin inta uu tababare u yahay Van Basten iyadoo intii uu socday koobkii aduunkana uu qilaaf xoogan soo kala dhex galay Van Basten iyo Nistelrooy taasoo sababtey in Van Nistelrooy xulka laga saaro inkastoo markii dambe hadana dib loogu soo daray. Seedorf wuxuu kulankiisii ugu horeeyey xulka u saftey sanadkii 1994kii isagoo ka qeyb galay tartamadii qaramada Yurub ee 1996, 2000 iyo 2004 iyo weliba koobkii aduunka ee 1998, wuxuu qaranka Holland u saftey 87 kulan isagoo u dhaliyey 11 gool.
Asad A. Omar "afey" |
|
|||||||||||||||||||||||||||||||||||||||||||||
