|
|
|
|||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||
|
Ciise Dheere
oo helay ruqsadii ciyaaryahanimo, Ciise iyo kooxdiisa oo wada
barnaamij ay ku caawinayaan Soomaaliya 11.05.2008, deeyoo.com Ciyaaryahan Ciise dheere ayaa helay waraaqihii aqoonsiga ciyaaryahanimo oo uu mudo u xayirnaa ka dib markii uu xiriirka kubada cagta Norwey ku wergeliyey naadigiisa cusub ee Lillestrøm inuusan u safan karin Ciise dheere illaa inta ay xiriirka Soomaaliyeed ee kubada cagta X.S.K.C. usoo dirayaan waraaqihiisa ruqsada. Xiriirka kubada cagta Norwey N.F.F ayaa hada u fasaxay kooxda Lillestrøm inuu u safan karo Ciise Dheere ka dib markii ay waraaqihii aqoonsiga ciyaaryahanimo ka heleen XSKC taasoo ay aad usoo dhoweeyeen kooxda Lillestrøm. Arintaan ayaa ah mid aad loogu farxo hase yeeshee waxaa nasiib darro ah in Ciise Dheere uu dhaawac soo gaaray xili uu la aalamiinteynaayey (tababar la qaadanaayey) kooxda waqti yar uun ka hor intii aan loo fasixin inuu u ciyaari karo sida uu noo sheegay ciyaaryahanka mar aan qadka telefoonka kula xiriirnay isagoo dhanka kalena niyad wanaag ka muujiyey dhaawaca soo gaaray oo aan qatar aheyn uu rajeynaayo inuu si dhakhsi ah ugu bogsado.
Ciise iyo kooxdiisa oo caawinaya Soomaaliya. Sida uu noo xaqiijiyey ciyaaryahan Ciise Dheere waxaa jira barnaamij ay kooxda Lillesrtrøm ugu tala gashay iney ku caawiyaan tuulada Hooyada iyo Dhalaanka SOS Soomaaliya taasoo la qaban doono 14ka bishaan.
Sawirada ciyaaryahanada Lillestrøm ee sanadkan oo uu ku jiraa Ciise Dheere ayaa runtii ah wax aad loogu farxo in sawirkiisa lacagaha kasoo xarooda lagu caawiyo dadka u baahan ee dalkeena Soomaaliya. Tan iyo markii uu Ciise dheere ka mid noqdey kooxda waxaa aad loo dareemayey muhiimada ay siinayaan ciyaaryahankan mustaqbalka wanaagsan ku leh kubada cagta iyadoo kooxda ay dhowaan tikidho lacag la`aan ah u qeybiyeen dadka ajnabiga ah ee ku nool xeradii qaxootiga ee uu ku jiray Ciise dheere ka hor intii uusan kusoo biirin naadiga. Barnaamijkan weyn oo ay kooxda dhaqaale ugu ururineyso tuulada SOS Soomaaliya waa arin taariikhi ah oo aan qalbiga muwaadiniinta Soomaaliyeed ka go`doonin waxaana amaanteeda iska leh ciyaaryahan Ciise dheere iyo kooxdiisa Lillestrøm waxaana rajeyneynaa in Ciise Dheere uu muraayad iyo safiir u noqdo guud ahaan bahda isboortiga Soomaaliyeed gaar ahaan dhalinta mustaqbalka ku leh ciyaarta kubada cagta waxaana u rajeyneynaa guul. Waxaan idiin soo gudbin doonaa qaabka ay u dhacdo xafladaas lagu taageerayo SOS Soomaaliya oo lagu wado iney ka dhacdo xarunta dhaqanka kooxda Lillestrøm oo ku taala magaalada Lillestrøm hadii Alle idmo.
Asad A. Omar "afey" |
|
|||||||||||||||||||||||||||||||||||||||||||||||
