|
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
Real madrid
oo sanadkii labaad oo isku xiga hanatey horyaalka Spain 04.05.2008, deeyoo.com Real Madrid ayaa ku guuleysatey horyaalka dalka Spain iyadoo weli 3 kulan ka harsantahay markii ay 2-1 ku dhufteen kooxda Osasuna. Real Madrid ayaa guushaan heshay daqiiqadihii ugu dambeeyey ee ciyaarta xilli ay u muuqatey in ugu yaraan todobaad kale ay sugi doonaan u damaashaadka horyaalka markii iyagoo ku ciyaaraya 10 gool rigoore ah uu ka dhaliyey ciyaaryahan Francisco Punal 8 daqiiqo ka hor dhamaadkii ciyaarta hase yeeshee goolal ay kala dhaliyeen Arjen Robben oo madax ku dhaliyey iyo Gonzalo Higuain labo daqiiqo gudeheed ayaa Real u saamaxay iney hantaan horyaalka Spain. Ciyaaryahanka difaaca uga dheela Real Madrid Cannavaro ayaa labo jaalle qaatey isla markaana garoonka laga saarey wax yar kadib markii nasashadii laga soo laabtey taasoo Real Madrid culeys weyn saartey hase yeeshee gabagabadii muujisay iney yihiin koox weyn markii ay kasoo laabteen 1-0 iyagoo banaanka ku ciyaaraya isla markaana hal ciyaaryahan la dheer yahay. Real madrid wuxuu horyaalkan u noqonayaa kii labaad oo isku xiga iyo kii 31aad ee taariikhdooda waxaana la dhihi karaa in sanadkaan ay u qalmeen hanashada horyaalka iyadoo la arkayey kooxihii uu tartanka kala dhexeeyey oo midba mar tareenka kasii tagaayey. Real Madrid waxey guud ahaan urursatey 78 dhibcood 35 kulan oo ay dheeleen halka kooxda kusoo xigta ee Villareal heystaan 68 dhibcood iyadoo 3 kulan oo keliyana ay ka hartey horyaalka. Barcelona oo tartan kula jirtey Real Madrid ayaa waqti hore ka hartey ku loolanka horyaalnimada markii ay iska wada qasaariyeen fursad kasta oo ay heleen hase yeeshee waxey hada u muuqdaan iney hurdadii ka keceen waqti dambe iyagoo kulankii maanta 6-0 ku duugeen kooxda Valencia. Goolasha Barcelona waxaa kala dhaliyey Messi, Xavi iyo min labo gool oo ay kala dhaliyeen Henry iyo Bojan. Todobaadka soo socda waxaa dhici doona kulankii weynaa ee El Clasico oo dhex mari doono kooxaha Barcelona iyo Real Madrid inkastoo sidii la filayey uusan u qiime badnaan doonin maadaama kulankan oo la filaayey inuu noqon doono finaale ku soo aaday xilli Real Madrid xalaaleysatey horyaalnimada Spain. Real Madrid waa kooxda ugu koobabka badan kooxaha Yurub iyagoo ku guuleystey 31 horyaalka Spain, 17 koobka koobabka, 9 horyaalka kooxaha Yurub (Champions League) iyo 2 koobka UEFA. Kulamadii todobaadkan: Almería - Betis 1-1 Kala horeynta kooxaha
Asad A. Omar "afey" |
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
