Bayern Munich oo ku guleysatey horyaalkoodii 21aad
 
Rummenigge oo isagoo fileynin qamri loogu qubeeyey

04.05.2008, deeyoo.com

Naadiga weyn ee Bayern Munich ayaa ku guuleystay horyaalka sanadkaan ee dalka Jarmalka markii ay heleen dhibicdii ay u baahnaayeen kulan ay la yeesheen kooxda Wolfsburg oo ay bareejo goolal la`aan ah lasoo galeen.

Bayern Munich oo sanadkii hore ku guul dareysatey iney galaan kaalinta 3aad oo fursad u siin laheyd ka qeyb galka Champions League ayaa lacago badan qarash gareysey si ay usoo ceshato kaalintii ay kaga jirtay horyaalka Jarmalka iyo weliba kan kooxaha Yurub.

Bayern Munich inkastoo kulankii maanta laga ciyaar wanaagsanaa lagana fursado badnaa ayaa u muuqatey ineysan deg degsaneyn oo aysan enerji badan iska qasaarineyn maadaama ay 1 dhibic oo keliya u baahnaayeen 4ta ciyaar ee u harsaneyd marka lagu daro kulankoodii maanta iyagoo ku guuleystey in dhibicdaas ay aadka u rabeen ay isla maantaba helaan sidaasna ku hantey horyaalka Jarmalka ee sanadkaan.

Bayern Munich wuxuu horyaalkan u noqonayaa koodii 21aad iyadoo ciyaartoydii Bayern ay bilaabeen dabaaldeg iyo damaashaad iyagoo isugu hambalyeynayey guushaan ay soo hoyeen waxeyna ciyaaryahanada qaar qamri ugu qubeeyeen madaxdii iyo macalinkii kooxda.

Kulamadii Todobaadkan:

Kala horeynta Kooxaha:

Asad A. Omar "afey"

deeyoo_edit@hotmail.com

 
 Halkan riix si aad deeyoo.com uga dhigato bogga hore