Kooxaha safka hore ee Talyaaniga oo midkoodna uusan badin

Pirlo

31.03.2008, deeyoo.com

Kooxaha safka hore kaga jira kala horeynta horyaalka Talyaaniga ayaa ku guu dareystey iney badiyaan kulamadii todobaadkan ee Serie A marka laga reebo Juventus oo kulankii ay la yeelan lahaayeen Parma la baajiyey markii taageere Parma ah uu  Bas dardarey ka dibna geeriyoodey.

Kooxda hogaanka heysa ee Inter oo todobaadkii hore laga badiyey dhowaantana ka hartey koobka Champions League ayaa mar kale ku guuldareysatey iney ka badiyaan kooxda Lazio oo ay barbardhac 1-1 isla dhaafi waayeen, Roma oo labaad ku jirta ayaan ka faa`iideysan fursadaan iyagoo dhankoodana bareejo 1-1 ah la galay Cagliari waxaase natiijada ciyaarta uga naxdin badneyd kabtankooda Totti oo ka dhaawacmay kulankaan isla markaana wararka kasoo baxaya kooxda Roma waxey sheegayaan in Totti kulanka weyn ee ay la yeelanayaan todobaadkan kooxda Manchester United oo ka maqnaan doono dhaawacan dartii.

Kooxaha Fiorentina iyo Milan oo kaalinta 4aad ku tartamaayey ayaa labadaba laga badiyey, Milan waxaa garoonkooda 1-2 ugu awood sheegatey kooxda Atalanta taasoo ka dhigeysa Milan in horyaalka sanadkaan ay 15 kulan oo ay garoonkooda ku ciyaareen ay badiyeen 4 kulan oo keliya, ciyaaryahan Pirlo ayaa kooxdiisa ka qasaariyey rigoore dhamaadkii ciyaarta natiijadaan ayaa shaki weyn sii gelineysa mustaqbalka kooxda ee tababare Ancelotti, Fiorentina waxaa 3-1 ku dharbaaxdey Udinese oo hada kaalinta 5aad soo gashay iyagoo 3 dhibcood oo keliya usoo jirsadey Fiorentina isla markaana kusoo biirey kooxaha tartanka xoogan ugu jira kaalinta 4aad oo fursad u siineysa kooxdii gasha ka qeyb galka Champions League iyagoo Milan ku riixay kaalinta 6aad. Sampdora ayaa sidoo kale iska soo xaadirisey ku tartanka kaalinta 4aad markii ay 2-0 ugu itaal roonaadeen kooxda Empoli isla markaana xaga dhibcaha lasoo sinaadeen Milan oo ay min 49 dhibcood wada leeyihiin.

Asad A. Omar "afey"

deeyoo_edit@hotmail.com

 
 Halkan riix si aad deeyoo.com uga dhigato bogga hore