Beckham oo kulankiisii 100 saftey iyo natiijooyinkii kulamadii saaxiibtinimo

Beckham

27.03.2008, deeyoo.com

Kabtankii hore ee qaranka Ingiriislka David Beckham ayaa guul darro dhabarka loo saariyey kulankiisii 100 markii qaranka Faransiiska uu 1-0 ugu awood sheegtey kulan saaxiibtinbimo oo uu faransiiska isugu diyaarinaayey tartanka qaramada Yurub oo bartamaha sanadkan ay si wada jir ah u marti gelin doonaan  dalalka Austria iyo Switzerland.

Goolka ay qaranka Faransiiska ku badiyeen oo rigoore ahaa waxaa u dhaliyey ciyaarayhan Ribery oo ka jajabiyey Beckham oo kulankaan ka dib ku biirey liiska ciyaaryahanada qaranka Ingiriiska ee saftey 100 kulam iyo ka badan.

Beckham oo kulankaan ka mid ahaa xidigihii ugu cadcadaa garoonka ayaa ciyaarta ka dib sheegay inuu usii ciyaari doono qaranka illaa iyo koobka aduunka 2010 hadii uu fursad u helo inkastoo tababraha qaanka Ingiriiska Capello uusan wax balan qaad ah sameyn inuu Beckham qaranka boos uga banaanyahay inkastoo uu muujiyey sida uu ugu faraxsanyahay ciyaartii Beckham.

Ciyaaryahanada kale ee qaranka Ingiriiska u saftey 100 kulam ama ka badan waxey kala yihiin:
1- Goolhaye Peter Shilton oo 125 kulan saftey
2- Bobby Moore oo 108 kulan saftey
3- Bobby Charlton oo 106 kulan saftey
4- Billy Wright oo 105 saftey iyo
5- David Beckham oo kulankiisii 100 xalay saftey.

Kulamadii kale ee saaxiibtinimo ee xiisaha lahaa waxaa ka mid ahaa kulankii dhexmarey dalalka Spain iyo Talyaaniga oo gabagabadii noqotey Spain oo 1-0 ku badisey iyadoo goolka guusha oo aad u qurux badnaa uu u dhaliyey Spain xidiga maalmahaan shidan ee David Villa.

Gooldhaliyaha da`da yar ee Milan Pato ayaa goolka guusha u dhaliyey qaranka Brazil oo 1-0 ku dhuftey qaranka Swedan xilli ay u dabaaldegayeen sanad guuradii 50aad ee kasoo wareegtay finaalihii koobka aduunka 1958 markaasoo Brazil 5-2 kaga badisey Swedan isla markaana ay markii ugu horeysey ku guuleysteen koobka aduunka.

Dalka marti gelin doono tartanka qaramada Yurub ee Austria ayaa nuskii saac ee ugu horeysey ciyaarta ka yaabsadey qaranka Holland oo ay 3-0 ku hogaaminayeen hase yeeshee wixii markaas ka dambeeyey waxaa maamulkii ciyaarta la wareegay Holland oo markii dambe 4-3 ku badisey.

Dalka kale ee isna wax ka marti gelinaayo qaramada Yurub ee Switzerland ayaa kulan is kululeyn ah la dheelay dalka awooda ku leh kubada cagta ee Jarmalka taasoo si fudud uu Jarmalka 4-0 ugu guuleustey.

Qaranka Portugal ayaa helay fursad ay kaga aargoosan karaan ceebtii ka raacdey finaalihii qaramada yurub ee 2004 oo ay marti gelinayeen oo xulka Giriiga 1-0 kaga badiyey koobkiina ku qaatey taageerayaashii Bortoqiiska ee isku diyaarinaayey dabaal dega guusha kobka hase yeehsee mar kale ayey giriiga guul daro dhabarka u saariyeen xulka Portoqiiska oo gurigooda lagu ciyaarayey markii ay 1-2  kaga soo badiyeen.

Asad A. Omar "afey"

deeyoo_edit@hotmail.com

 
 Halkan riix si aad deeyoo.com uga dhigato bogga hore