Roma oo bareejo gashay, Totti oo dhaawac culus soo gaaray

Totti

20.04.2008, deeyoo.com

Roma ayaa iska qasaarisey fursad culeys ku saari laheyd koocda hogaanka heysa ee Inter markii ay ka badi waayeen kooxda Reggina oo ay barbardhac 1-1 ah ku kala bexeen.

Roma oo hadii ay ka badin lahaayeen Reggina hal dhibic oo keliya usoo jirsan laheyd Inter ayaa bedelkeeda waxaa laga yaabaa in farqiga xaga dhibcaha ee labada koox u dhexeeya noqdo 6 dhibcood hadii sida lasii saadaalinaayo ay Inter ka badiso kulanka ay kooxda Torino la yeelanayaan maanta.

Kabtanka Roma Totti ayaa dhaawac weyn jilibka kasoo gaarey iyadoo wararkii ugu horeeyey ee kasoo baxaya dhaawaca Totti ay sheegayaan in laga yaabo inuu garoomada ciyaaraha ka maqnaado ugu yaraan 6 bilood laakiin baaritaan dheer oo lagu sameyn doono ayey dhakhaatiirta Roma sheegeen in lagu kala ogaan doono inuu qaliin u baahan yahay iyo in kale.

Barcelona oo ka raja dhigtay hanashada horyaalka

Barcelona oo in mudo ah ku riyooneysey hanashada horyaalka Spain ayaa hada u eg iney iska ilaaween markii ay ka badin waayeen kooxda Espanyol oo ay goolal la`aan ku kala bexeen.

Bareejadaan ayaa ka dhigeysa in Barcelona ay badisey hal kulan oo ka mid ah 8dii kulan ee ugu dambeysey horyaalka Spain waxeyna hada halis ugu jiraan iney waayaan kaalinta 2aad oo hadii ay Villareal badiso kulanka ay la yeelanayaan kooxda Valladolid kaalinta 2aad soo gali doonto.

Real Madrid waxey hada 8 dhibcood ka horeeyaan Barcelona waxeyna ka dhigayaan 11 dhibcood hadii dhankooda ay badiyaan kulanka ay la balan sanyihiin kooxda Racing Santander.

Kooxda afaraadka ku jirta ee A.Madrid ayaa iyagana iska qasaariyey fursad ay ku xajisan lahaayeen booskooda markii garoonkooda lagaga badiyey 1-3 kulan ay isaga hor yimaadeen kooxsa Real Betis.

Kulamada Todobaadkan:

Asad A. Omar "afey"

deeyoo_edit@hotmail.com

 
 Halkan riix si aad deeyoo.com uga dhigato bogga hore