|
|
|
|||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
Bayern Munich oo ku guulesatey koobka koobabka Jarmalka
20.04.2008, deeyoo.com Luca Toni ayaa mar kale kooxdiisa Bayern Munich ka farxiyey una suura geliyey iney ku guuleystaan koobka koobabka Jarmalka markii uu 2 gool u dhaliyey kulankii finaalaha oo ay 2-1 ku garaaceen kooxda Borussia Dortmund. Kulankaan oo aad u xiisa badnaa ayuu gool dhaliyaha weyn ee Bayern Luca Toni kooxdiisa u dhaliyey goolka 1aad daqiiqadii 10aad ee bilowgii ciyaarta hase yeeshee waqti ay taageerayaasha Bayern bilaabeen u dabaal degida guusha koobka ayaa waxaa ku aamusiyey ciyaaryahan Petric oo goolkii bareejada kooxdiisa u dhaliyey ilbiriqsiyadii ugu dambeeyey ciyaarta xili uu garsooraha firimbiga afka ku hayey si uu ciyaarta u dhameeyo taasoo sababtey in lagu kala boxo waqti dheeri ah 30 daqiiqo. Luca Toni ayaa mar kale shabaqa la helay goolkiisii 2aad dhamaadkii qeybtii hore ee waqtiga dheeriga una suura geliyey in Bayern ku guuleysato koobkoodii 1aad sanadkan iyagoo sidoo kalena aad ugu dhow hanashada horyaalka oo ay 10 dhibcood ku hogaaminayaan. Bayern waxey sidoo kale rajo weyn ka leedahay hanashada koobka UEFA oo ay semifinaale joogaan waxeyna guul weyn u noqoneysaa hadii ay kuwada guuleystaan 3da koob guud ahaan ciyaartoyda iyo taageerayaasha kooxda waxeysi si gooni ah farxad ugu noqoneysaa goolhayaha taariikhda galay ee Bayern Oliver Kahn oo sanadkan soo gabagabeyn doono mustaqbalkiisii dheeraa ee kubada cagta isagoo intii uu ku dhex jiray waayihiisii kubada cagta kusoo guuleystey wax kasta oo uu ciyaaryahan ku riyoodo marka laga reebo koobka aduunka oo ay kaalimaha 2aad 2002 iyo 3aad 2006 galeen qarankiisa Jarmalka.
Asad A. Omar "afey" |
|
|||||||||||||||||||||||||||||||||||||||||||||
