Bayern Munich koox aan la loodin karin!
Luca Toni

17.04.2008, deeyoo.com

Bayern Munich ayaa aad ugu dhow iney ku guuleystaan horyaalka iyo koobka koobabka Jarmalka iyagoo 10 dhibcood ku hogaaminaayo horyaalka xili 5 kulan oo keliya ay ka hartey markii ay xalay 3-1 uga soo badiyeen kooxda Frankfurt kulan ka tirsan horyaalka.

Bayern oo diyaar garow culus ugu jirta finaalaha koobka koobabka Jarmalka oo ay Sabtida ku balan sanyihiin kooxda Borussia Dortmund ayaa nasisay ciyaar yahano muhiim ah oo ay ka mid yihiin boortaha ruugcadaaga ah Oliver Kahn iyo gooldhaliyahooda weyn Klose.

Ciyaaryahan Köhler nikket ayaa kooxdiisa Frankfurt u suura geliyey iney 1-0 ku hogamiyaan qeybtii hore ee ciyaarta hase yeeshee qeybtii 2aad ayey Bayern dhaliyeen 3 gool isla markaana la hoydeen 3dii dhibcood oo kulankaas, Daniel Van Buyten ayaa dhaliyey goolkii bareejada halka gooldhaliyaha weyn ee Bayern Lucca Toni dhaliyey labada gool ee kale isagoo tartanka gooldhalinta ku hogaaminaayo 20 gool.

Borussia Dortmund ayaa niyad ahaan aad u liidata ka hor kulanka finaalha oo ay Bayern isaga hor imaanayaan iyagoo kulankoodii xalay 1-3 ay kaga adkaatey kooxda Hannover taasoo ah guuldaradii 2aad 4 maalimood gudohood iyadoo kulankii kan ka horeeyeyna ay 5-0 ku duugtey kooxda ay Sabtida isqaabili doonaan ee Bayern.

Kooxda difaacaneysa horyaalka ee Stuttgard waxey 3-0 ku dhufteen kooxda sii dhaadheceysa ee Nurnberg iyagoo rajo aan aad u xoogbadneyn ka leh iney soo galaan kaalinta 3aad ee ah booska ugu dambeeya ee kooxdii gasha fursad u siinaya iney ka qeyb galaan Champions League soo socda maadaama dalka Jarmalka loo ogol yahay 3 koox oo keliya.

Kala horeynta kooxaha:

Asad A. Omar "afey"

deeyoo_edit@hotmail.com

 
 Halkan riix si aad deeyoo.com uga dhigato bogga hore