|
|
|
|||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
Warakii ugu
dambeeyey iyo suuqa kala gadashada ciyaartooyda 14.04.2008, deeyoo.com Kooxaha isku magaalada ka dhisan ee Inter iyo Milan ayaa isku haysta xidigii hore ee aduunka Ronaldinho oo xiriirka isaga iyo taageerayaasha Barcelona uu aad u xumaadey. Warar hor dhac ah ayaa sheegayey in shakhsi ahaan uu Ronaldinho heshiis la gaaray AC Milan waxa kaliya ee dhimana ay tahay in labada koox ay is afgartaan hase yeeshee gudoomiyaha Inter Moratti ayaa ka dhawaajiyey in maalmaha soo socda ay go`aansan doonaan qaabka ay u wajahayaan sidii Ronaldinho ugu mid noqon lahaa ciyaartoyda Inter. Ronaldinho walaalkiis ahna wakiilkiisa De Assis ayaa dhankiisa sheegay isagoo jooga Milano in kooxda AC Milan tahay kooxda ugu dhow ee uu ciyaaryahankan aadi doono shakhsi ahaana ay Ronaldinho hesshiis gaareen hase yeeshee warar kale ayaa sheegaya iney suuragal tahay in kooxaha Inter amaba Real Madrid ay afgambi karaan Milan oo ay ciyaaryahankan lasoo wareegi karaan. Kooxda Bayern Munich oo sanadkii hore aad u adeegatey ayaa u muuqata in mar kale ay suuqa ku jirto iyadoo lasoo hadal qaadey dhowr ciyaaryahan oo caan ah oo ay ku tala jiraan iney ku xoojiyaan kooxda. Ciyaaryahanda Bayern ay sii calaamadeysatey waxaa ka mid ah xidiga qadka dhexe ee Milan Gatusso oo ay u badan tahay in waqtigiisii Milan soo dhamaanayo. Xidigaha ay Bayern rabto waxaa ka mid ah xidiga qadka dhexe ee Arsenal Flaminni, xidiga qadka dhexe ee Barcelona Decco hase yeeshee ma fududaan doonto maadaama ay kooxo kale suuqa kula jiraan. Gattuso oo aad loo saadaalinaayo inuu ka tegaayo Milan waxaa ka mid ah kooxaha dadaalka ugu jira iney lasoo wareegaan Man.UNited, Tottenham iyo Newcasle, sidoo kale waxaa laga yaabaa inuu ku noqdo kooxdiisii hore ee Rngers oo uu usoo ciyaarey sanadkii 97-98 waxaana arintan macquul klasii dhigaya xaaskiisa oo reer Scotland ah. Flaminni oo sanadkan ahaa mid kamid ah ciyaaryahanda ugu muhiimsan Arsenal ayaa soo jiitay indhaha kooxo badan oo caan ah taasoo ku dhiira gelisay inuu iska diido heshiis cusub oo uu Arsenal lagalo kaasoo loogu labalaabi lahaa mushaharka uu hada qaato oo dhan 1 milyan oo Pound sanadkii. Kooxda Juventus oo hore sida uu sheegay tababae Arsen Wenger ka balan qaadey ineysan suuqa soo galin illaa iyo inta ay dhameysanayaan wadahadalkooda ayaa hada u muuqata iney dhinacooda saf kasoo gali doonaan iyagoo sida lasoo wariyey diyaar la ah lacag dhan 3 milyan oo euro sanadkii. Flamini oo 23 jir ah waxa uu xaq u leeyahay inuu aado koxdii uu doono sida uu qabo sharciga Bosman maadaama qandaraaskii uu kula jiray Arsenal oo gabogabo yahay taasoo dhib ku noqoneysa Arsenal iney tartan la gasho kooxaha Juventus ama Bayern. Xidiga 26 jirka ah ee Chelsea Wright Phillips ayaa
laga yaabaa in sanadka soo socda uu u wareego kooxdiisii hore ee
Manchester Wright Phillips oo 2005 ay Chelsea ka bixisay 21 milyan oo Pound ayaa la sheegayaa inuu aad u daneynayo inuu isaga tago kooxda waxaana jira warar sheegaya in Manchester City ay isku dayeen bishii Janaayo iney lasoo wareegan hase yeeshee loo sheegay inuusan beec aheyn illaa uu dhamaanayo xilli ciyaareedka hada lagu jiro, Man.City waxey diyaar layihiin 10 milyan oo Pound taasoo u eg iney Chelsea aqbali doonto. Laacibka Arsenal Alexander Hlep ayaa la sheegayaa inuu heshiis hoose la galay kooxda Inter inkastoo ciyaaryahanka iyo Interba ay hore u beeniyeen. Wararka hada soo baxaya ayaa sheegaya in Inter u balan qaadey xidigan iney siinayaan qandaraas 5 sano ah oo ku kacaya aduun dhan 15 milyan oo euro isla markaana ay Arsenal kaga gadan doonaan 14 milyan oo euro. Inter waxey aad u raadinayaa ciyaaryahan u bedela xidiga baalka ka ciyaara ee cuslaadey Luis Figo oo konturaadiisa ku egtahay bartamaha sanadkan, wararka qaar ayaa sheegaya in sidoo kale xidiga Sevilla diego Capel laga yaabo inuu noqdo ciyaaryahanka buuxiya booska uu baneyn doono Luis Figo oo laga yaabo inuu ciyaaraha ka fariisto amaba uu u baqoolo horyaalka Mareykanka ee MLS oo uu kaga horeeyo xidigii ay waa isku kooxda ahaayeen ee Beckham.
Asad A. Omar "afey" |
|
|||||||||||||||||||||||||||||||||||||||||||||
City oo dadaal weyn ugu jirto sidii ay usoo ceshan laheyd.