|
|
|
|||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
Juventus oo garaacdy Milan oo ku
dhow ineysan ka qeyb galin Champions League soo socda 013.4.2008, deeyoo.com Naadiga Juventus waxay 3-2 ugu awood sheegteen kooxda AC Milan isla markaana mugdi geliyey rajadoodii ka qeybgalka Champions League sanadka soo socda. Juventus oo garoonkooda lagu ciyaaraayay ayaa gool uu u dhaliyey xidiga ruugcadaaga ah Del Piero hogaanka ku qabatey hase yeeshee waxaa 2 gool ugu jawaabay gooldhaliyaha weyn ee Milan Inzaghi ciyaartiina ka dhigay 2-1 ka hor intii uusan goolkii bareejada Juventus u dhalin dhamaadkii qeybtii hore ciyaaryahan Salihamidzic. Salihamidzic ayaa goolkii guusha u dhaliyey Juventus 10 daqiiqo ka hor dhamaadkii ciyaarta iyadoo Milan ay ku ciyaareysey 10 ciyaaryahan markii guduud laga siiyey Bonera bartamihii weybtii labaad ee ciyaarta. Juventus ayaa u muuqata iney xaqiijisey ka qeyb galka Champions League sanadka soo socda halka Milan ay aad u rajo xuntahay iyagoo 4 dhibcood ka hooseeya kooxda Fiorentina oo 4aad ku jirtas xili 5 ciyaar oo keliya ay u harsantahay. Kulan kale ee la ciyaarey ayey Palermo 1-0 ku tuntay kooxda Catania. Caawa waxaa kulan adag isaga hor imaan doono kooxda hogaanka heysa ee Inter iyo kooxda 4aadka ku jirta ee Fiorentina.
Asad A. Omar "afey" |
|
|||||||||||||||||||||||||||||||||||||||||||||
