|
|
|
|||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
Liverpool iyo Chelsea mar kale! 08.04.2008, deeyoo.com Liverpool ayaa usoo talaabtey semifinaalaha Champions League markii 3aad 4tii sano ee ugu dambeysey ka dib markii kulan aad u xiisa badnaa ay 4-2 ugu awood sheegteen kooxda Arsenal. Arsenal oo ciyaartaan ku qasbaneys iney gool dhaliso ayaa dardar lasoo gashay garoonka waxaana usuura gashay iney gool helaan daqiiqadii 13aad ee ciyaarta markii uu Hlep baas qurxoon siiyey Abou Diaby oo darbad xoogan daba marsiiyey goolhaye Riena. Liverpool oo taxadar badan ka muuqdey bilowgii ciyaarta aadna looga ciyaar fiicnaa ayaa gool bareejo waxaa madax ugu dhaliyey ciyaaryahanka difaaca uga ciyaara ee reer Finland Sami Hyypia oo ka faa`iideystey koorno ay kooxdiisa heshay markii ay ciyaarta socotey kudhowaad 30 daqiiqo. Qeybtii 2aad ayey Liverpool la wareegtey maamulkii ciyaarta iyadoo aad loo dareemayey daal ka muuqdey dhalinta Arsenal, gooldhaliyaha qatarta ah ee Liverpool Fernando Torres ayaa gool aad u qurux badan u dhaliyey kooxdiisa 20 daqiiqo ka hor dhamaadkii ciyaarta ka dib markii uu kubada si xirfadeysan ugu dagsadey gudaha xerada ganaaxa lana soo dhaafay Sendaros isla markaasna darbo kore gees ka geliyey shabaqa Arsenal ciyaartiina ka dhigay 2-1. Arsenal oo u ekeyd iney niyad jabeen ayaa rajadii kusoo noqotey 6 daqiiqo ka hor dhamaadkii ciyaarta markii xidiga dhalinta yar Theo Walcott uu kubada kasoo qaatey afka hore ee goosha Arsenal isla markaana lasoo dhex jeexay 5 ka mid ah laacibiinta Liverpool illaa uu 5 mitir usoo jirsadey goosha Liverpool markaasoo baas dib ah u dhigay Adabayor oo si fudud udaba mariyey boortaha Liverpool ciyaartiina ka dhigay 2-2 natiijadaasoo Arsenal kusoo bixi laheyd laakiin waxaa diiday ciyaaryahan Babel oo hal daqiiqo ka dib kooxdiisa u qalqaaliyey rigoore shaki ku jiro taasoo kabtan Gerrard si maskaxadeysan shabaqa ugu lulay. Babel ayaa goolkii 4aad lugtiisa ku dhaliyey noqdeyna halyeygii Liverpool inkastoo uu garoonka ku jiray wax ka yar 15 daqiiqo markii uu orod kasoo bilaabay kala barka garoonka uuna kasoo xoogsadey ciyaaryahan Fabregas oo ay kasii dhamaaneysey shabaqana ku hubsadey ilbiriqsiyadii ugu dambeeyey ciyaarta. Labadan koox oo sanadkan 3 kulan oo ay isaga horyimaadeen kuwada dhamaadey 1-1 ayaa la saadaalinaayey in kulankaana uusan wax badan ka duwanaan doonin oo goolal badan looga fadhinin hase yeeshee iyadoo weli kulamo badan dhiman yihiin ayaa aad loo rumeysan yahay inuu kan noqon doono kulankii sanadkan ee Champions League. Liverpool oo markii 3aad semifinaale timid 4tii sano ee ugu dambeysey waxey markii 3aad 4tii sano ee ugu dambeysey kulanka semifinaalaha isaga hor imaan doonaan kooxda Chelsea oo kulankoodii caawa 2-0 ku dhuftey kooxda sida lama filaanka ah kusoo gaartey wareega 8da koox ee Fenerbahce oo Turkiga ka dhisan. Chelsea ayaa labada gool kala dhalisey labada qeyb ee ciyaarta iyadoo goolkii hore uu madax ku dhaliyey Ballak daqiiqadii 4aad ee bilowgii ciyaarta halka goolka labaadna uu dhaliyey Frank Lampard 3 daqiiqo ka hor dhamaadkii ciyaarta. Chelsea ayaa hada heysata fursad ay kaga aargudan karto Liverpool oo sanadihii 2005 iyo 2007 semifinaalaha ku reebtay waxaana kulanka 1aad ee semifinaalaha ay ciyaari doonaan 22 Abril hadii Alle idmo iyadoo kooxdii adkaata isku darka labada kulana ay finaalaha gaari doonto iyadoo sanadkan lagu ciyaari doono magaalada Moosko ee dalka Ruushka. Habeen dambe ayaa la ogaan doonaa kooxaha kusoo biira Chelsea iyo Liverpoolo iyadoo aad loogu maleynaayo Man.United oo la ciyaari doonto Roma iyo Barcelona oo marti gelin doonto kooxda Jarmalka ah ee Schalke.
Asad A. Omar "afey" |
|
|||||||||||||||||||||||||||||||||||||||||||||
