Real Madrid oo bareejo gashay kuna dhow hanashada horyaalka Spain markii ay Barcelona ka faa`iideysan weysey
Tababare Rijkaard

06.04.2008, deeyoo.com

Barcelona waxey bareejo 0-0 ah la galeen kooxda Getafe natiijadaas oo u eg iney ku macsalaameeyeen rajadii ay ka lahaayeen hanshada horyaalka maadaama ay mar kale iska qasaariyeen fursad ay ugu soo dhowaan kareen kooxda hogaanka heysa ee Real Madrid oo sidoo kale iyagana bareejo 1-1 ah la galay kooxa Mallorca.

Barcelona oo kulankaan aad uga gacan sareysey kooxda Getafe ayeysan usuurta gelin iney gool dhaliyaan inkastoo ay heleen fursado badan oo goolal lagu dhalin karay iyagoo 3 jeerna birta ku dhuftey.

Dhamaadkii ciyaarta ayey taageerayaasha Barcelona oo aad uga xumaa fursadaha tirada dhaafay oo ay heleen si ay ugu soo dhowaadaan Real Madrid oohadana aysan ka faa`iideysan ayaa maryo cad u haatiyey tababare Rijkaard taasoo ay ula jeedeen BYE BYE (kooxda isaga tag).

Barcelona oo hada kaalinta 2aad ay iskula jiraan kooxda Villareal oo kulankoodii laga badiyey ayaa farqiga xaga dhibcaha ee u dhexeeya iyaga iyo kooxda ay sida weyn u xafiiltamaan ee Real Madrid uu 7 dhibcood yahay xili kulamada hareyna ay 7 yihiin, waxaa aad loogu maleynayaa in rajo kasta ay ka qabeen hanashada horyaalka sanadkan ay buur dheer sii koreyso.

Barcelona waxey badisey mid ka mid ah 6dii kulan ee ugu dambeysey horyaalka iyagoo mar kasta oo ay Real bareejo gasho ama laga badiyo ku guuldareysanaayey iney fursadaas ka faa`iideystaan.

Asad A. Omar "afey"

deeyoo_edit@hotmail.com

 
 Halkan riix si aad deeyoo.com uga dhigato bogga hore