wararkii ugu danbeeyay ee ciyaaraha iyo deeyoosport halkan ka gal linkigan.

Macalinka waayeelka ah ee Manchester United Sir Alex Feguson ayaa si aad ugu dhoola cadeeyay uguna faanay sida uu ku helay Roben Van Persie oo ku tilmaamay inuu yahay nin ay koox waliba jeceshahay  inuu u ciyaaro, halka uu Mr Arsene Wenger madax wareer dartiis uu ku qar baxayo xidigaha ku haray kooxda.

Van Persie oo la filayo inuu saacado kadib qalinka ku duugo heshiis 4 sano ah ayuu tababarihiisa cusub sheegay inuu haysto 4 weeraryahan oo u dhigma kuwii uu ku qaaday The Trible 1999kii oo uu yiri “York, Cole, Sheringham iyo Solskjær waxa ay ahaayeen weeraryahano shabaqa deris la ahaa uguna wanaagsanaa dunida markaas” waxa uu barbardhigay 4 weeraryaha uu hada haysto sida Rooney, Van Persie, Chicharito iyo Welbeck oo uu ka sugayo guulo waaweyn iyo goolal badan.

Macalin Wenger ayaa xanaaq uu ka qaaday dhaqankii Van Persie waxa uu si toos ah u abaaray raga lagu tuhmayo in niyadooda ay meel kale jirto, waxaana ay hada seeftu saarantahay Alex Song oo laga iibinayo Barcelona iyo Walcott oo lagu yiri soo raadso hadii ay jirto koox ku rabto lacagtana miiska soo saareysa.

Marka aan qiimeynay waxaa noo muuqata inay meesha si toos ah uga baxday tartankii sport ee u dhexeeyay Manchester United iyo Arsenal, maadaama ay kooxi kor u socoto kooxna hoos u socoto, waxaase la hubaa ina cadowga ugu weyn ee Manchester uu hada yahay macalin Mancini iyo kooxdiisa manchester City, halka reer London isku ag kufayaan inkasta oo ay Chelsea waxoogaa horumar ah sameysay tan iyo markii ay qaadeen koobkii Yurub bishii may ee lasoo dhaafay.

wararkii ugu danbeeyay ee ciyaaraha iyo deeyoosport halkan ka gal linkigan.