Weeraryahanka sunta ah ee lugta bidix ku cadaaba difaacyada aduunka Arjen Robben ayaa walaac ka muujiyay safka ay usoo galeen kooxihiisii hore ee Chelsea iyo Real Madrid oo midna ku sugeyso Finalka hadii uu soo baxo tankalena caawa ku balansanyihiin garoonkiisii hore Santiago Barnabeo oo ah hoyga Real Madrid.

Xidigan reer Holland ayaa hada mushaar ka qaata kooxdiisa Bayern oo uu finalka tartankan Champions League soo gaarsiiyay 2 sano ja hor markii ay guul daro kala kulmeen Diego Milito iyo Macalin Mourinho oo hada ku sugaya kulanka caawa ee xiisaha badan.

Labada kooxood ee Bayern iyo Real ayaa magac maamuus weyn ku leh kubada cagta Yurub iyaga oo ku guuleystay dhowr koob oo gaaraya ilaa iyo 13 marka la isku daro koobabka labadan koox, waxaana xusid mudan in labadaba ugu danbeysay koobkan laba sano oo isku xigta 2001dii iyo 2002dii.

Hadaba Robben oo kaashanaya ninka baalasha ku duula Ribery iyo mashiinka gool dhaliyaha ah Gomez oo ay gadaal ka kabayaan Muller iyo Schweinsteiger waxa ka hortaagan inay finalka gaaraan kubad dhaliyaha weyn Ronaldo oo caawinaad ka helaya Bezema iyo Øzil oo u qaabishan inuu kubadaha ka dhax dusiyo difaacyada halista ah, waxaana sidoo kale gadaal kasoo kabaya Alonso iyo Khedira waxaa la wada sugayaa ciyaar xiisa leh oo 90ka daqiiqo neefta ku celisa inta daawaneysa sida kulan weynihii xalay ee Barcelona iyo Chelsea.

Ciyaartii hore ayaa kusoo dhamaatay 2 gool iyo 1 ay guusha kusoo raacday bayern Munich, waxaa lagu kala bixi karaa guul iyo barbardhac intaba oo Real ayaa u baahan 1 gool iyo waxba, laakiin hadii gool laga dhaliyo waa inay ku adkaataa farqi goolal 2 iyo wixii ka badan.

Waxaan Deeyoo Sport boggiisa hore idiin soo dhigeynaa Linkis aad free uga daawan kartaan kulankan ee nala socda ilaa bilowga ciyaarta hadii alle noo saamaxo.

Deeyoo Sport

Oslo / Norway.