Warbixin ku saabsan kulanka adag ee Manchester Utd vs AC Milan, kulamadii hore u dhex maray iyo Beckham oo kusoo noqonaya Old Trafford

09.03.2010, deeyoo.com.

waxa lagu wadaa in ay ku kulmaan garoonka Old Trafforrd ee magaalada Manchester kooxaha Manchester utd iyo Ac Milan kulan ka tirsan koobka horyaalada Yurub.
David Beckham ayaa dib ugu soo laabanaayo magaaladii uu mudada ka cayaarayay ee Manchester waxaana uu la socdaalayaa kooxda Ac Milan.
 
Ac Milan ayaa la ciyaarayso kooxda Manchester utd iyadoo lugtii hore ee garoonka San siro ka dhacday looga soo badiyay Milan.
 
kooxda Manchester ayaa doonayso in Beckham ay ku soo dhaweyso guuldaro iyadoo taageerayaasha Manchester ay si weyn ugu cabsanaayaan xidigoodi hore ee qatarta ku ahaa laadadka xorta ah.
 
Kabtankii hore ee wadanka Ingiriiska Beckham ayaa waxaa uu imaanayaa garoonka uu kusoo caan baxay ee Old Traford isagoo kooxdiisa Milan lagu hogaaminayo 2-3 guul daro ah.
Kooxda Manchester ayaa kasoo kabsatay gool uu daqiiqadihii hore ka dhaliyay Ronaldinho kadibna ay kaga jawaabeen Paul Scholes daqiiqadii 36-aad kadibna waxaa sii raacsaday labo gool weeraryahanka Rooney daqiiqadaha 66- aad iyo 74-aad inkastoo daqiiqadii 85-aad uu Clarence Seedorf uu goolka 2-aad u dhaliyay Milan.
 
ka hor kulankii guruubka ee kooxda Besiktas ay ku adkaatay garoonka Old Traford ayaa Manchester waxanan looga adkaanin 23- kulan kulamaas ay rikoorka dhigtay ka hor Manchester waxaa kaga adkaatay garoonkee Ac Milan sanadkii 2005 waxana Milan ay kulankaan cayaaraysaa iyadoo rajo wanaagsan ka qabta in ay kasoo kabsato guuldaradii garoonkeeda ay kula kulantay waxaana xiligaan Milan ay garoomadooda kaga soo adkaatay Real Madrid iyo Olympique de Marseille.
 
Kulamadii hore ee ay kulmeen naadiyadaan.
 
kooxda Ac Milan ayaa waxay adkaatay ilaa afar jeer kulamo labo lugood ah oo ay Manchester la cayaartay koobkaan kaliya sanadkii 2007 ayay ku guul dareysatay in ay adkaato labada lug.
 
Markii ugu horeysay oo labadaan koox ay ku kulmaan koobkaan waxay ahayd xili ciyaareedkii 1957/1958 markaas oo ay ku kulmeen Seme Finalka koobkan waxana lugtii hore 2-1 ku badisay Manchester laakin lugtii 2-aad ayaa waxaa Milan ay ku badisay 4-0 kadib Ac Milan ay goolasha u dhaliyeen Juan Schiaffino labo gool, Nils Liedholm iyo Giancarlo Danova.
 
Naadiyadaan ayaa mar kale waxay ku kulmeen Seme Finalka koobkaan 1968/1969 waxaana cel celis labadii kulan ay Milan ku badisay 2-1 waxana Ac Milan garoonkeeda ay ku badisay 2-0 halka Manchester iyana garoonkeeda ay ku badisay 1-0.
 
Ac Milan ayaa mar kale waxay badisay labadii lug ee tartankaan xiligii 2004/2005 waxaa ay ku adkaatay min gool waxaana u dhaliyay labadii jeerba Hernan Crespo.
 
hadaba waa kumaan xidigihii u safnaa labada koox lugtii hore. waxayna ahayd 23 February 2005
 
Manchester United: Carroll, Neville (Silvestre 80), Ferdinand, Brown, Heinze, Ronaldo (Van Nistelrooy 63), Scholes, Keane, Fortune (Saha 80), Giggs, Rooney.

Milan: Dida, Cafu (Costacurta 87), Nesta, Maldini, Kaladze, Gattuso, Pirlo (Ambrosini 84), Seedorf, Rui Costa, Kaká (Serginho 90), Crespo.
 
Kooxahaan ayaa mar kale kulmay iyadoo Manchester gurigeeda lagu hormaray waxaana ay ku badisay 3-2 xiligii 2006/2007 waxayna ahayd ciyaar Seme final ah waxaana Milan ay lugtii labaad ku badisay garoonkeeda 3-0 kadib Kaka Seedord iyo Alberto Gilardino ay u dhaliyeen goolasha.
 
hadaba waa kuwaan xidigihii u safnaa habeenkaas labada koox waxayna ahayd 24 April 2007
Manchester United: Van der Sar, O'Shea, Brown, Heinze, Evra, Fletcher, Carrick, Scholes, Ronaldo, Rooney, Giggs.

 
Milan: Dida, Oddo, Nesta, Maldini (Bonera 46), Jankulovski, Gattuso (Brocchi 52), Pirlo, Ambrosini, Seedorf, Kaká, Gilardino (Gourcuff 84).
 
Kooxda Manchester ayaa waxay tahay mid ka badin jirtay naadiyada ka socda Talyaaniga kaliya Ac Milan ayaa ah kooxda kaga adkaato garoonkaan waxana Manchester ilaa shan jeer ay kaga adkaatay garoonkeeda kooxaha ka socda Talyaaniga.
Ac Milan kulankii ugu dambeeyay ee ku cayaarto gudaha ingiriiska ayaa waxaa ay Bar baro 2-2 ah la gashay Potsmouth.
 
Ac Milan ayaa garoonkaan waxaa uu u leeyahay ahmiyad weyn kadib markii ay ku qaaday koobka horyaalada Yurub sanadkii 2003 markaas oo garoonkaan uu marti galiyay Finalka.
 
xidigahaan ayaa ku soo bilaawday kulankaan iyagoo matalayay Ac Milan Dida, Gennaro Gattuso, Inzaghi, Alessandro Nesta, Andrea Pirlo iyo Seedorf halka Massimo Ambrosini uu kursiga keydka ku jiray Finalka 2003 ee ay ku qaadeen garoonkaan halka Gianluca Zambrotta, oo haatan ku sugan Ac Milan uu u cayaarayay Juventus kulankaas kana mid ahaa xidigihii matalayay Juve.
 
kooxda Ac Milan ayaa u soo baxaysay wareegyada kale ee koobkaan iyadoo laga badinayay lugta hore waxaana jiray ilaa saddex jeer oo kooxda Milan laga badiyay cayarta hore tan labadna ay badinaysay oo ay ku soo baxaysay waxaana kamid ah kulamo ay la cayaartay FC Saarbrücken 1955/56,FC Barcelona (1959/60,RCD Espanyol (1987/88 markaan waa markii afaraad oo laga badinaayo lugta hore.
 
Kooxda Manchester utd ayaa kasoo gudbaysay koobkan marka ay badiso lugta 1-aad ilaa 12 jeer ayayna u soo baxday koobkan wareegyadiisa kale.
 
Tababaraha kooxda Ac Milan Leonardo ayaa waxaa uu kamid ahaa xidigihii xulka Braziil cayaar ka dhacday Wembley waxaana xulka ingiriiska u cayarayay G.Neville,waxaa uu sidoo kale uu wajahay Schole iyo G.Neville cayaar saaxibtinimo oo ka dhacday dalka Faransiiska1997 markaas oo Braziil ay ku badisay 1-0.
 
Beckham ayaa isagoo 12 jir ah waxaa uu ku soo biiray Manchester waxana uu ahaa wiil yar oo iskuuley ah isagoo cayaartii ugu horeysay u saftay 1995 waxaana uu u cayaaray 394 kulan isagoo u dhaliyay 86 gool dhamaan tartamadii uu u saftay ka hor intii uu ku biirin Real Madrid sanadkii 2003 isagoo kooxda Manchester u leh xusuus.
 
Waayihii Garoonka Old Trafod ee Beckham ayaa waxaa uu kula guulaystay ilaa lix koob horyaal ah waxana uu sidoo kale koobkan oo uu la qaaday 1999.Ryan Giggs iyo Neville waxay kala tirsanaayeen kooxdan.
 
goolkii ugu dambeeyayHoryaalka ee Beckham uu u dhaliyay Manchester wuxuu ahaa 3-dii bisha May sanadka 2003 waxaa sidoo kale goolkii ugu dambeeyay ee koobka horyaalada Yurub ayuu Beckham u dhaliyay Manchester utd cayaar ay kaga Horjeedeen Real Madrid waxaana uu dhaliyay labo gool isagoo badal ku soo galay.
 
Cayaaryahan Inzaghi iyo Edwin Van der sar ayaa waxay kawada tirsanaayen kooxda Juventus sanadihii 1999 ilaa 2001.
 
Inzaghi ayaa waxaa uu ahaa dhaliyihii goolka kaliya ay Juventus kaga badisay Manchester Magaalada Torino sanadkii 1997,sidoo kale waxaa uu ka dhaliyay labo gool ayuu ka dhaliyay sanadkii 1999 laakin Juventus ayaa kulankas looga adkaaday 3-2.
 
Thiago Silva ayaa waxaa uu kamid aha xidigihii xulka Braziil ee ka badiyay ingiriiska cayaar saaxibtimimo oo ka dhacday qadar waxana ingiriiska u matalayay cayaartaas Wes Brown, Ben Foster iyo Rooney.
 
Ronaldinho waxaa uu ahaa dhaliyihii goolka guusha ee Brazil kaga badiyeen Ingiriiska 2-1 koobkii aduunka 2002 waxaana kamid ahaa ingiriiska xulkiisa Rio Ferdinand Scholes iyo Owen inkastoo Owen uu ka maqan yahay kulankaan.
 
Ronaldinho iyo Anderson ayaa labadaba waxay kasoo bilaabeen cayaarahooda kooxda Grêmio FBPA ee dalka Braziil.
 
Zambararotta ayaa waxaa uu kamid ahaa xulkii Barcelona ee Manchester ka badisay Koobkan Seme Finalkiisa waxana ka dhaliyay goolka Scholes.
 
Gool haye Flavio Roma ayaa waxay kawada tirsanaayeen kooxda Monaco Patrice Evra.
• Ji-Sung Park ayaa ka dhaliyay gool kooxda Ac Milan Seme finalka koobkan sanadkii 2005 isagoo u cayaarayay PSV laakin waa laga badiyay kooxdiisa.

Axmed Mooge
Xafiiska Deeyoo Muqdisho
axmed_mooge@hotmail.com
002521-5140242

deeyoo_edit@hotmail.com

 
 Halkan riix si aad deeyoo.com uga dhigato bogga hore

©2009  www.deeyoo.com