Real Madrid oo kaalinta 1-aad ka gashay kooxaha ugu lacagta badan caalamka.

03.02.2010, deeyoo.com.

naadiyada waaweyn ee dalka Spain ee Real Madrid iyo Barcelona ayaa waxaa ay ka soo galeen kaalimaha ugu horeeyaya qiimeynta naadiyada ugu daqliga badan caalamka.
wadanka Spain ayaa 20 naadi waxaa ugu jira Real Madrid iyo Barcelona oo xertay labada boos ee ugu sareysa qiimeyntaan mana jirto koox kale oo spain ah oo qiimeyntaan 20 naadi soo gashay.
 
Real Madrid ayaa heshay labadii xilli ciyaareed ee ugu dambeysay lacago ka badan 700 Milyan oo gini.
 
Dalka Ingiriiska ayaa waxaa qiimeyntaan 20 naadi ee ugu lacagta badan ugu jira ilaa 7 koox waana horyaalka ugu badan halka Koobka horyaalada Yurub uu noqday kan daqliga ugu badan laga hellay iyadoo Manchester city ay markii ugu horeysay soo gashay kaalintaan.
Qiimeyntaan oo ay samaysay shirkadda Deloitte ayaa waxaa lagu xusay ilaa 20 kooxood waxaana ugu badan dalka Ingiriiska oo ku leh Todobo Naadi, Jarmalka Shan koox, Talyaaniga afar Koox,Faransiiska iyo Spain ayaa min labo koox ku leh.
 
Shirkaddaan ayaa waxay u fiirisay qiimeyntaan dhan kasto oo ay kooxda ku hesho daqliga sida daqliga garoomada,Xayaysiinta ganacsi iyo dhanka warbaahinta.
 
kooxda Real Madrid ayaa waxay noqotay kooxda kaalintaan muddo ku jirtay iyadoo ay xiligaan in ay kusii jirto ay u suura galisay kadib markii ay lasoo wareegtay xidigaha ugu qaalisan caalamka ee Kaka iyo Ronaldo oo xiligaan bilaawgiis ay soo xero galisay.
 
Kooxda Barcelona ayaa iyana kaalin wanaagsan kasoo gashay qiimeyntaan waa kaalinta 2-aad iyadoo ay kala baxday kooxda Manchester utd waxaana u suura galiyay koobabkii ugu badnaa ee koox ay ku guulaysato hal xili ay qaaday waxaana kamid ah koobka horyaalada Yurub oo Manchester utd kaga adkaatay Finalkii koobkan.waxaana ay heshay 366 Milyan oo gini.
 
inkastoo dalka Spain kaalmaha 20 koox ay kasoo galeen Labo naadi oo kaliya ayaa kooxda ugu dhaw waxaa ay tahay Atletico Madrid oo kaalinta 22-aad soo gashay.
 
kooxaha afarta ee ugu xoogan dalka Ingiriiska ayaa waxay kamid yihiiin ilaa 7 kooxood oo ingiriis ah oo soo galay 20 koox ee ugu dhaqaalaha badan caalamka.

kooxda Manchester City ayaa kaalinta 19-aad soo gashay markii ugu horeysay waxaana u suura galiyay lacagaha badan ee kooxdaas lagu maalgaliyay iyadoo soo iibsatay xidigo badan.
 
Qiimeyntaan sanadkaan waxaa ku cusub Manchester City iyo Werder Bremen oo badal VFB Stutgard iyo kooxda wadanka Turkiga ee Fenerbahce.

1. (1.) Real Madrid - €401.4m
 
kooxda Real Madrid ayaa waxay heshay lacago badan iyadoo 7 sanno ee ugu dambeysay lagu qiimeeyay lacagaha ay heshay 1.1 Billion waxaana kooxdan ay inta badan lacagaha ka heshaa xayaysiinta iyo warbahinta iibsada ciyaaraheeda.

2. (3.) Barcelona- €365.9m
 
kooxdan sanadkii lasoo dhaafayay waxay ku jirtay kaalinta 3-aad waxay soo gashay 2-aad iyadoo kala baxday Manchester Utd waxaana sabab u ah guusha ay ka gaartay koobka horyaalada Yurub oo Manchester ay lugteeda isaga reebtay waxaana ay kor u kacday 18% sanadkaan.waxaana ay heshay €365.9million.

3. (2.) Manchester United- €327.0m
 
kooxda ah horyaalka ingiriiska ee Manchester utd ayaa u dhaadhacday kaalinta 3-aad iyadoo booskeeda ay kala wareegtay kooxda ah horyaalka Spain ee Barcelona waxaa ay heshay Manchester utd 327 Milyan.
 
4. (4.) Bayern Munich- €289.5m
 
kooxdan waa kooxda ugu culus dalka Jarmalka waxay soo tiiksatay kaalinta 4-aad waxay heshay 289 Milyan waxaana lacagaha ay ka heshay dhanka warbaahinta iyo koobka horyaalada Yurub oo ay u sooo baxday walina ay ku jirto.
 
5. (6.) Arsenal- €263.0m
 
kooxdan waxay nasiib u heshay kaalinta 5-aad waxana ay ka maqneyd sanadkii lasoo dhaafay waxaana daqliga ugu badan ay ka heshay garoonkeeda Emarates iyo iibinta qaar kamid ah xidigaheeda.waxayna heshay €263.0 Milyan.
 
6. (5.) Chelsea- €242.3m

 
Chelsea waxay sanadkii ladoo dhaafay ay ku dhamaysatay kaalinta 3-aad horyaalka Ingiriiska iyadoo ku guulaysatay F.A Cup-ka waxayna markeedi ugu horeysay tan iyo sanadkii 2002 ay ka baxday iyadoo heshay 242.3 Milyan

7. (8.) Liverpool- €217.0m

 
kooxda Liverpool ayaa sanadkii lasoo dhaafay waxay ku dhamaysatay kaalinta 2-aad horyaalka Ingiriiska waxayna kor u soo dalacday hal kaalin iyadoo horey ugu jirtay 8-aad waxayna timid 7-aad xiligaan waxna uma dhimin kasoo haridii koobka Horyaalada Yurub.waxayna heshay 217 Milyan.
 
8. (11.) Juventus- €203.2m
 
wadanka Talyaaniga kooxda ugu daqliga badan ayay noqotay kooxdan waana tan ugu guulaha badan dalka Talyaaniga gudahiisa waxayna koxdan kor u soo kacday ilaa saddex kaalmood waxaana ay horey ugu jirtay 11-aad iyadoo soo gashay 8-aad waxay heshay 203.2 Milyan.

9. (10.) Internazionale- €196.5m
 
kooxdan ah horyaalka iyo hogaamiyayaasha Talyaaniga horyaalkiisa ayaa sare u soo kacday 14% waxaana ay heshay 196.5 Milyan waxaana ay kor u soo dalacday hal kaalin.
10. (7.) AC Milan- €196m
 
kooxdan Ac Milan waxay hoos u dhacday saddex kaalin waxaana ay heshay 26 Milyan oo ay sanadkii lasoo dhaafay ka heshay ciyaaraha koobka Uefa Cup-ka iyo tabinta warbaahinta.waxaana ay heshay 196milyan.
 
kooxaha kale waxay qiimaha lacag ay u kala heleen
 
 
11. (15.) Hamburger SV- €146.7m
 
12. (9.) Roma- €146.4m

13. (12.) Olympique Lyonnais- €139.6m

14. (16.) Olympique de Marseille- €133.2m


15. (14.) Tottenham Hotspur- €132.7m
 
16. (13.) Schalke- €124.5m
 
17. (-) Werder Bremen- €114.7m kooxdan waa ay ku cusub tahay qiimeynta 20 koox ee ugu sareysay daqliga soo galidda.
 
19. (-) Manchester City- €101.2m sidoo kale kooxdan waa ay ku cusub tahay kaalintaan.
20. (17.) Newcastle United- €101.0m
 
kooxdan inkastoo la ilaabay ayna ku guul daraysatay in ay kasii ciyaarto horyaalka Ingiriiska heerkiisa 1-aad ayaa dib ugu laabatay sanadkii lasoo dhaafay kadib 16 sanadood oo heerka hore ay ku sugneyd waxaana wali la yaab ah in ay ku jirto kooxaha ugu helidda badan daqliga caalamka iyadoo ku jirta kaalinta 20-aad oo ay tahay meel wanaagsan.
 
F.G: Nambarada hore waa kaalimaha ay hadda ku jirto kooxda nambarka ku jira Baraakatka ama calaamaddaan ( ) waa tii ay ku jireen sanadkii lasoo dhaafay calaamadda Baraakatka ee sidan ah ( -) waa ay ku cusub tahay
 

Axmed Mooge
Xafiiska Deeyoo Muqdisho
axmed_mooge@hotmail.com
002521-5140242

deeyoo_edit@hotmail.com

 
 Halkan riix si aad deeyoo.com uga dhigato bogga hore

©2009  www.deeyoo.com