Weeraryahanka kooxda Inter Mario Balotelli ayaa qarka u saran in uu ku biro kooxda Man City ee dalka Ingirska isagoo lagu doonayo 24 milyan oo gini.

Mario Balotelli oo 19 jir ah ayaa waxaa uu u sheegay qaar kamid ah saxibadiisa in uu ku biirayo kooxda Man City isagoo todobaadkii mushaar ahaan u qaadan doonno 65 kun oo gini waxana uu saxiixayaa hishiis dhan shan sano.

Sida ay sheegayaan wararka laga helayo wadanka Talyaaniga ayaa sheegaya in Man City ay suura gal tahay in ay sare u sii qaato lacagaha 24 milyan ah oo ay ka dhigto 29 milyan .

Kooxda Man City ayaa doonaysaa in suuqa ay ku bixiso lacago ka badan 100 Milyan isayadoo keentay xiligaan Jerome Boateng oo ay 10 Milyan kaga soo iibsatay Hamburg, David Silva oo 24 Milyan ay kaga soo qaadatay Valancia,Yaya Toure oo 24 Milyan ay kaga soo iibsatay Barcelona iyo 17 Milyan oo Lazio ay kaga soo qaadatay Aleksandar Kolarov.

Mario Balotelli aya sidoo kale waxaa xiiseenaya kooxaha Chelsea iyo Man Utd kuwaas oo doonaya in ay lasoo wareegaan xidiga madowga ee reer Talyaaniga.

Tababarihii hore ee kooxda Inter ahna macalinka Man City Roperto Mancini ayaa doonaya in uu mar kale uu ka hoos cayaro ardaygiisa hore Mario Balotelli kaas oo kulankiisa ugu horeyay uu kazoo muuqday San Siro ay ahayd 2007 waxaana Mancini ahaa tababarihi xiligaa ee kooxda Inter.

Marka loo eego lacagaha tirada badan oo Man City u soo bandhigtay Mario Balotelli ayaa ka dhig karta mid kaga adkaata kooxo kale oo doonaya cayaaryahankan.

Jariiradda La Stampa ayaa sheegtay in Mario Balotelli uu sugi la’yahay ku biiristiisa Man City.

Man city ayaa doonaysa in ay hesho xiliga bilaabanaya ugu yaraan afar ilaa shan  weeraryahano kuwaas oo ah kuwo laysku haleen kara kooxdana meel gaarsin kara.

“Mario Balotelli wuxu leeyahay labo tayo mid waa da’disa oo yar iyo farsamadisa oo sii koreyso ayuu yiri Roperto Mancini.

Wakiiilka caanka ah Mino Raiola oo ah wakiilka Mario Balotelli ayaa sheegay goor hore in wali wax hishis ah uusan saxiixin cayaaryahanka.

Jariiradda Daily Mail ayaa qortay in hishiska Mario Balotelli uu ugu biirayo Man City shaaca laga qaadi doono ama uu si rasmi ah u hergal doonno maalinta Arbacada ah.

Man City oo ka hari la’ Torres.

Tababaraha kooxda Man City Roberto Mancini ayaa ku eedeeyay kooxda Liverpool sababaha ay ugu diidan tahay weeraryaahnkooda Torres.

Kooxda Man City ayaa soo bandhigtay lacago badan oo ay ku doonayso weeraryahanka wadanka Spain Fernando Torres.

waxaa doonaya in aan hello xiliga soo aadan weeraryahano wanaagsan Torres-na wuxuu kamid yahay kuwaas ayuu yir Roberto Mancini.

Wiilka dahabiga wadanka Spain Fernando Torres ayaa Man City waxay soo bandhigtay lacago ka badan 50 Milyan oo gini.

Tababaraha Liverpool iyo  Javier Mascherano oo kulmay.

Xidiga qadka dhexe ee kooxda Liverpool Javier Mascherano ayaa la kulmay tababaraha cusub ee kooxda Liverpool Roy Hodgson marki ugu horeysay tan iyo magacaabista Hodgson.

Javier Mascherano ayaa dib ugu soo laabtay xerada tababarka koxda Liverpool ee Melwood kadib koobka adduunka iyo fasaxa xiliga oo uu ugu maqnaa naadiga.

Kabtanka wadanka Argentina Javier Mascherano ayaa dib ugu soo laabtay dalka Ingiriiska iyo kooxda Liverpool kadib marki uu ka qeyb galayay koobka adduunka waxaana soo laabashada Javier Mascherano ku wehliyay cayaaryahanka ay isku dalka yihiin ee Maxi Rodriguez waxayna imaaadeen subaxnimadi hore ee Isniinta.

Tababare Hodgson ayaa isku dayaya in uu la hadlo xidiga Javier Mascherano oo 26 jir ah sidii uu ugu dhaadhicin lahaa in uu sii joogo kooxda isla markaana uu ka haro in uu dib ula midoobo Rafael Binitez ee kooxda Inter.

Roy Hodgson ayaa horey ula kulmay cayaaryahanada sar sare ee kooxda Liverpool sida Gerrard,Torres iyo Jamie Carragher iyadoo kulankaan Javier Mascherano uu la qaadanayo uu yahay kii ugu dambeeyay ee uu la qaato cayaryahanada uu doonayo in xiliga soo socda uu ku duulaamo.