deeyoo.com, bogga ciyaaraha suugaanta iyo arimaha bulshada

Joe Cole si rasmi ah ugu mid noqdey xidigaha kooxda Liverpool iyo qubanayaal kale

Joe Cole

Kooxda Liverpool ayaa gabo gabeysay caafimaadkii uu marayay xidiga Joe Cole oo ay dhawaan soo iibsatay iyadoo uu saxixay hishiis afar sanno ah.

Cole oo 28 jir ah ayaa soo gabo gabeyay 7 sanno oo uu kusugnaa kooxda Chelsea kadib markii ay isku fahmi waayeen hishiis cusub oo xidigaaas uu ka dalbaday Chelsea.

Joe Cole ayaa lala xiriirinayay naadiyada Arsenal iyo Tottenham laakin wuxuu hishiis la galay ugu dambeyn Liverpool oo aanan cayaaraynin sanadkaan koobka horyaalada yurub.

Iyadoo horey la doonayay in uu xidigaan xerto nambarka 7-aad ayaa wuxuu qaadanayaa nambarka 10-aad ee kooxda Liverpool.

Imaatinka Cole kooxda Liverpool ayaa imaanaya iyadoo dhanka kale horey uu ugu biiray Benyoune kooxda Chelsea.

Xidiga kusoo barbaaray xerada juunyarka kooxda West Ham ee Joe Cole ayaa noqonaya xidigii 2-aad ee kooxda Liverpool lasoo saxiixato iyadoo horey u soo iibsatay weeraryahanka xulka Serbia Milan Jovanovic.

Joe Cole ayaa Chelsea waxay kaga soo iibsatay West Ham 6.6 Milyan 2003 wuxuu u dhaliyay 40 gool 282 kulan oo uu u cayaaray wuxuu la qaaday saddex horyaalka ingiriska iyo labo koobka FA cup-ka ah.

Cole wuxuu u cayaaray xulka ingiriiska 56 kulan oo caalami ah isagoo koobka aduunka cayaaray labo kulan isagoo labada jeerna badal kusoo galayay.

Tababaraha kooxda Tottenham oo ahaa tababarihii kusoo gacan qabtay xidigaan waayihiisa hore ee juunyarka kooxda West Ham ayaa isku dayay in uu geeyo kooxdiisa laakin cayaaryahanka ayaa u sheegay macalinkisa hore in uu doonayo koox weyn.

Tottenham ayaa waxay ku dhamaysatay kaalinta 4-aad horyaalka ingiriska iyadoo cayaaraysa isreeb reebka kooba horyaalada yurub.

Daaficii hore ee kooxda Liverpool Alan Kennedy wuxuu aamin sanyahay in Joe Cole imaatinkiisa Liverpol ay wax badan kusoo kordhin karto kooxda.

Real Madrid iyo Chelsea oo ku dagaalamaya Ozil iyo Werder Bremen oo diyaar u ah in ay iibiso Ozil.

BERLIN; deeyoo.com.kooxaha Real Madrid iyo Chelsea ayaa waxay ku dagaalamayaan xidiga caalamiga wadanka Jarmalka Mesud Ozil.

Agaasimaha cayaaraha kooxda Werder Bremen Klaus Allofs ayaa sheegay in ay ka warhayan dalabka kaga imaanaya kooxaha Chelsea iyo Real Madrid isla markaana ay diyaar u yihiin in ay iibiyaan xidigaan.

Klaus Allofs ayaa u sheegay wakaaladaha wararka in 21 jirkaan wadanka Jarmalka Ozil ay iska iibinayaan.

Ozil ayaa ah mid kamid ah xidigihii kasoo bandhigay cayaaro wanagsan koobka adduunka ee koofur Afrka.

Thierry Henry oo sheegay in uu jecel yahay in uu dib ugu soo laabto naadigiisa hore Arsenal.

New york Deeyoo.com ; Weeraryahankii hore ee koooxda Arsenal Thierry Henry ayaa waxaa uu sheegay in uu jecel yahay mar kale in uu dib ugu soo laabto kooxda Arsenal.

Thierry Henry oo waayo 8 sanno oo qurux badan kusoo qaatay aya sheegay in uu jecel yahay in kooxda Arsenal uu dib ugu soo laabto marka uu ka fariisto cayaaraha kubadda cagta.