Kadib 64 cayaarood oo la cayaaray koobka addunka ayaa waxaa soo gabo gaboobay koobka oo dhan iyadoo qaaradda Afrika gaar ahaan dalka Koofur Afrika ay si wanaagsan u marti galisay koobkaas iyadoo wax rabshado ah aysan ka dhicin laguna guulaystay.

Warbaahinta Deeyoo ayaa waxay qiimeyn ku samaysay xidigaha xulka koobka adduunka oo aan kaso xulnay 32 dal.

Xidigaha 11-ka ee koobka adduunka (4-4-2)

Iker Casillas Gool hayaah xulka Spain.

Waa kabtanka ku guulaystay koobka adduunka waa gool hayihiiii ay ka dhasheen goolal 2 ah todobo kulan oo koobka adduunka ka tirsan waxaana la dhihi karaa waa shaqsigii ka dambeeyay in xulka Spain uu ku guulaysto ama uu noqdo horyaalka adduunka isagoo labo sanno ka hor xulkiisa u suura galiyay in ay noqdan horyaalka Yurub.

Gool hayahaan wuxuu ka bad baadiyay rigoore xulka Chile isagoo ay wax gool ah ka dhalin waayeen xidigihii xulka Jarmalka oo min 4 gool ka dhaliyay dalalka Ingiriiska iyo Argentina.

Casillas waxaa uu labo kubadood oo muhiim ah ka bad baadiyay xidiga xulka Holland kulankii Finalka koobka adduunka iyadoo mid kamid ah uu ku celiyay lugahiisa.

Giovanni van Bronckhorst

Daafaca wadanka Holland.

Waa kabtanka xulka Holland isagoo cayaaro la jeclaysan karo kasoo bandhigay kulamadii koobka adduunka isagoo ka mid ahaa xidigihii xulka Netherland soo gaarsiiyay koobka adduunka Finalkiisa.

Xidigaaan wuxuu waayay koobka aduunka iyadoo la badalay kulankii Finalaha waxana lagu badalay xidig aan waligis cayarin koobka adduunka waxaana xidigaan uu sheegay kadib Finalka in ay u ahayd kulankisa ugu dambeeyay ee xulka Netherland waxaana uu aamin sanyahay haddii uu waayay koobka adduunka isagoo cayaaryahan in uu u  qaadi doonno koobka adduunka dalkiisa Holland isagoo Tabababare ah.

Xidigahaan waxaa u eegnay habkisa difaaca iyo weerarka isugu jiray ee uu kasoo bandhigay koobka adduunka waxaana uu gool ka dhaliyay Uruguay kulankii Seme Finalka oo 32 ay kaga badiyeen Uruguay.

Arne Friedrich

waa daafaca wadanka Jarmalka.

Inkasto ka hor koobka adduunka la sheegayay in xulka Jarmalka daafacyadiisa gaar ahaan xidigahaan habkiisa daafaca uu yahay mid aan laysku haleyn Karin hadana xidigaan wuxuu tusiyay caalamka in uu noqon karo daafac leh xajmi badan kaas oo loolan la gali kara daafacyada ugu wanaagsanaa caalamka kubadda cagta.

Daafaca Arne Friedrich  waxaa lagu xasuustaa in uu gool ka dhaliyay kulanki Argentina ee 4-0 ay kaga adkaadeen isagoo dhaliyay goolkii 3-aad ee cayaarta waxaana ay ahayd fariin uu u diray dadkii aamin sanaa in uu yahay daafac fashilan ka hor koobka adduunka.

Carles Puyol

Daafaca wadanka Spain.

Daafaca kooxda Barcelona Puyol uma baahnaa faah faahin dheeri ah oo ku aadan awoodiisa daafaceed isagoo xidigaan hakiyay weeraryahanno culus kuwaas oo uu ugu dambeeyay Arjen Robben isagoo fursado xidiga RObben u saamixi lahaa in uu gool ka dhaliyo kulankii FInalka uu ka bad baadiyay.

Haddii dhinaca kale ka eegno kadib markii uu si wanaagsan ugu soo baxay shaqadiisa daafaca ayaa hadana xidigaan wuxuu qabtay shaqo dheeri ah isagoo ahaa quusiyiha xulka dar darka watay ee Germany isagoo dhaliyay goolkii kaliya ee ay kaga adkaadeen dalka Jarmalka kaas oo ahaa kubad madax uu ku dhaliyay.

Philipp Lahm.  

Daafaca wadanka Jarmalka.

Kabtan Philipp Lahm ayaa ahaa mas’uulkii xulka Jarmalka horkacayay koobka adduunka isagoo ahaa kabtanka koobka adduunka ee  dalka Jarmalka kadib dhaawac soo gaaray Balack uu kaga maqnaa koobka adduunka. 

Inkastoo Gregory van der Wiel  uu kamid ahaa xidigihii xulka Holland ee soo gaarsiiyay koobka adduunka ayaa hadana kabtanka Jarmalka Philipp Lahm inkastoo Philipp Lahm xulkiisa uu ku haray heerka Seme Finalka koobka ayaa wali waxaa u eegnay cayaarihii uu kasoo bandhigay kulamadii hore.

Mark Van Bommel

Qadka dhex Holland

Wuxuu ka mid ahaa xidigihii aadka u shaqada badnaa hase yeeshee inta badan aysan qaban indhaha, wuxuu tiir dhexaad u ahaa xulkii Holland ee kaalinta 2aad ka galay koobka aduunka wuxuuna ahaa derbi aan la dhaafi karin isagoo kulamadii uu saftay intooda badan taliye ka ahaa qadka dhexe isla markaana xiriiriye wanaagsan u ahaa daafaca iyo weerarka xulka Netherlands.

Thomas Mueller

Qadka dhexe ee Jarmalka.

Thomas Mueller waa 20 jir wuxuu xertaa nambarka 13-aad ee xulka Jarmalka wuxuu doonayaa in uu taariikh ku lahaado xulka Jarmalka iyo kubadda cagta caalamka.

Waa ku guulaystihii kabaha dahabka koobka adduunka isagoo kaga adkaaday Villa,Forland iyo Wesley Sneijder

Sidoo kale waxaa uu ku guulaystay laacibka ugu wanaagsan xidigaha da’da yar ee koobka addunka isagoo Ayew iyo Do Santos kaga adkaday codadkii la qaaday.

Inkasto xidigaan uu dhaliyay shan gool isagoo 20 jir ah maxaa ka fili karnaa waxana suura gal ah in xidigaan haddii uu sii wado farsamada iyo kubadda wanaagsan ee uu kaso bandhigay koobka adduunka ay dhaxal siin karto in uu noqdo xidiga ugu gool dhaliska badan tartanka koobka adduunka maadaama uu sii cayaari karo ilaa saddex koob adduun ee soo aadan.

Andres Iniesta

Qadka dhexe Spain.

Andres Iniesta waa magaciisa saxda ah laakin Waxaa ugu yeeri kartaa magacyada naaneysta ,Geesigii Finalka,Wiilkii Finalka,halyaygii Finalka,dhaliyihii goolka guusha,wiilkii taariikhda Spain galay,

Waa mid kamid ah xidigaha ugu wanaagsan qadka dhexe waa mid gaaban dhererkiisuna waa 5ft iyo 7 In, waxaa uu ka caawiyay xulka Spain in ay qaadaan koobka adduunka isagoo xal u noqday in ay cayaarta gaarto rigoorayaal.

Xidigaan waxaa uu u qalmay laacibka kulanka Finalka waxaa uu ilaawsiiyay taageerayaasha Spain habkiisa qadka dhexe ee weerarka leh kabtanka Arsenal Cesc Fabregas.

Wesley Sneijder

Qadka dhexe ee Holland.

Xidigaan wuxuu dhaliyay shan gool waana mid kamid ah xidigihii loo saadaalinayay kan ugu wanaagsan tartanka isagoo kaalinta 2-aad ka galay xidiga ugu wanaagsan tartanka koobka adduunka kadib Forlan oo ku guulaystay.

Waa mid kamid ahaa xidigaha ugu wanaagsan dhalinta Bilisiyoonada  ama laadadka xorta ah isagoo tartanka koobka adduunka ka saaray wadanka Brazil kadib 2 gool oo uu ka dhaliyay.

David Villa

Weerarka Spain.

Waxaa uu qariyay Fernando Torres isagoo fursad u helay in uu noqdo xidiga ugu goolasha badan koobka adduunka xulka Spain.

Waa xidig dheer dhererkiisana uu yahay 7ft iyo 2in waxaa uu sameeyay in uu goolal dhaliyo iyo in uu kubado kale uu ka shaqeeyay.

Waa mid si weyn loogu jecel yahay kubadda cagta dalka Ingiriiska oo si weyn looga xiiseeyo xidig dheer in uu kaga cayaaro weerarka koox kasto oo kubadda cagta ingiriiska cayaarta.

Diego Forlan

Weeraryahanka Uruguay.

Haddii aan dib u eegno waayihi aan ku aragnay kooxda Manchester utd xidigaan wuxuu ahaa mid aan sidaa u sii buurneyn  laakin wuxuu inoo sheegay in uu yahay mid laysku halayn karo kadib kulamado iyo goolal badan oo uu ka dhaliyay horyaalka La Liga Spain.

Diego Forlan weeraryanaka kooxda Athletico De Madrid wuxuu noqday kan ugu wanaagsanaa 736 cayaartooy ee ka qeyb gashay koobka adduunka 2010 ee kofur afrika.