1930-kii Guillermo Stabile,Argentina.

Koobkii ugu horeeyay adduunka waxaa lagu qabtay dalka Uruguay waxaana ku guulaystay isla dalkaas.waxaana gool dhalinta ku guulaystay oo qaaday xidig u dhashay wadanka Argentina oo lagu magcaabo Guillermo Stabile oo dhaliyay 8 gool.

Guillermo Stabile saddexdii gool ee uu ka dhaliyay dalka Mexico ayaa ah kuwo aan la ilaabi Karin kulan 6-3 ku dhamaaday waxaana sidoo kale uu ka dhaliyay 4 gool kulan dalka Maraykanka ay la cayaarayeen taas oo ku dhamaatay 6-1 waxaana finalka uu ka dhaliyay hal gool kulankii dalkiisa Argentina looga adkaaday 4-2 waxaana qaaday koobkaas marti galiyayasha koobka adduunka ee Uruguay.

1934, Oldrich Nejedly, Czechoslovakian.

Sanadkii 1934-tii waxaa uu ka dhacay koobka adduunka qaaradda yurub gaar ahaan dalka Talyaaniga waxaana ku guulaystay gool dhalintii sanadkaas xidig u dhashay dalka Czechoslovakian oo lagu magacaabo Oldrich Nejedly kaas oo ku qaaday 5 gool.

Tartankaas waxaa la dhaliyay 70 gool ilaa 17 cayaarood oo la cayaaray waxaana ku filnaatay xidigaan Oldrich Nejedly in uu ku qaado 5 gool tartan ay ka dhasheen xiligaas goolal badan,waxana qaaday dalka Talyaaniga.

 1938, Leonidas da Silva. Braziil.

Koobkii adduunka ee 1938 waxaa marti galiyay dalka Faransiiska waxaana ku guulaystay dalka Talyaaniga oo markisa 2-aad noqday horyaalka adduunka xiligaas.

Kabaha dahabka ama gool dhalinta waxaa qaaday Leonidas da Silva oo u dhashay wadanka Braziil kaas oo ka caawiyay xulkiisa Braziil ay soo gaaraan kaalinta 3-aad.

Leonidas da Silva wuxuu ku qaaday gool dhalinta koobkii adduunka sanadkaas 7 gool wuxuuna noqday mid ku guulaystay abaal marin uu jeclaado xidig kasto oo koobka ka qeyb galo in uu qaado.

1942,1946 lama qabanin koobka addunka sababo dagaalkii 2-aad ee aduunka oo dalal badan ay galeen dagaalka.

1950. Ademir, Braziil.

Waxaa marti galiyay koobkii adduunka 1950-kii dalka Braziil iyadoo dalka Uruguay uu ku guulaystay koobkaas markisa 2-aad waxaana gool dhalinta qaaday xiligaas xidig u dhashay wadanka Braziil oo lagu magacaabayay Ademir, kaaso oo ka caawiyay xulkisa in ay soo gaaraan Finalaha koobka.

Ademir,ayaa ku qaaday gool dhalinta goobka adduunka 9 gool.

1954, Sandor Kocsis, Hungary.

Koobkii adduunka 1954 waxaa ku guulaystay gool dhalinta Sandor Kocsis waxaana uu dhaliyay 11 gool oo uu ku qaaday tartanka koobka adduunka ee xiligaas.

Inkastoo dalka Hungry uu ka dhaliyay koobkas 27 gool ayaa waxaa nasiib darro koobkii ka qaaday dalka Germany.

 1958, Just Fontaine,France.

Xidiga wadanka Faransiiska Just Fontaine wuxuu ka dhaliyay tartanka koobka adduunka ee 1958-dii 13 gool waana tiradii ugu badnayd ee koobka adduunka lagu qaado gool dhalinta waxaana uu kaalinta 3-aad kaga jiraa gool dhalinta koobka adduunka taarikhda.

 1962,lix xidig ayaa ku guulaystay.

Sanadkaan waxaa isla qaaday 6 cayaaryahan oo kala duwan iyago min 4 gool dhaliyay.

Garrincha iyo Vava oo Braziil ah,Sanches oo CHile ah, Drazan Jerkovic oo Yugoslavia ah, Florian Albert  oo Hungary ah, Valentin Ivano oo midowga Sofiyeed ama Ruushka ah.

Waxay ku wada guulaysteen kabaha gool dhalinta koobka adduunka iyadoo gooor dambe la badalay sharciga ah hadii ay isku gool noqdaan lagu kala saaro goolalka ay baaseen.

 1966, Eusebio.

Inkastoo Portugal ay kaalinta 3-aad ka gashay koobkii aduunka 1966 ayaa hadaba waxaa gool dhalinta qaaday Eusebio oo ahaa halyaygii xulka Portugal.waxaana uu ku qaaday 9 gool.

1970, Gerd Muller.

Gerd Muller wuxuu ahaa dhaliyay gool kulan kasto oo uu ka cayaaray wuxuu u dhahsy wadanka Jarmalka isagoo min saddex gool ka kala dhaliyay dalalka Bulgaria iyo Peru kulamadii uu la cayaaray koobkii aduunka 1970-kii.

Xulka Jarmalka ayaa kaalinta 3-aad ka galay koobkii aduunka 1970-kii iyadoo ay ka badiyeen Italy kulankii Finalka looga gudbayay oo ay ka hareen tartanka wuxuuna dhaliyay 10-gool isagoo noqday dhaliyaha koobka adduunka ee xiligaas.

 1974, Grzegorz Lato. 

Inkastoo dalka Poland uu awood iyo cayaar wanaagsan kasoo bandhigay koobka adduunka 1974-tii ayaa waxaa hadana ay dhaafi waayeen kaalinta 3-aad iyagoo Braziil ay u direen kaalinta 4-aad cayaar looga tartamayay kaalinta 3-aad.

Grzegorz Lato wuxuu ahaa xidig si weyn ugu dhex muuqday tartankaas iyo xulkiisa Poland wuxuuna ku qaaday 7 gool.

1978, Mario Kempes.

Xidiga caalamiga ee wadanka  Argentina  Mario Kempes ayaa ka caawiyay xulkisa argentina in ay noqdaan horyaalka adduunka 1978-dii iyadoo Mario Kempes uu isna qaaday gool dhalinta tartankaas kadib6 gool oo uu dhaliyay.

 1982, Paolo Rossi.

Xidigaan Paolo Rossi wuxuu noqday gool dhaliyaha tartanka iyo xidiga ugu wanagsan koobka adduunka isagoo dalkisa Talyaaniga ka caawiyay in uu noqdo horyalka adduunka.

Paolo Rossi ayaa ku qaaday gool dhalinta koobka adduunka isagoo saddex gool ka dhaliyay kulankii Seme finalka dalka Brazil ay kaga horjeeden waxayna ahayd Habeenkii Madoobaa ee Braziil oo Talyaaniga ku cunay heerka 4-ta waxayna caalamka ku noqotay arrin la yaab ah.

1986, Gary Linker.

Weeraryahanka wadanka Ingiriiska Gary Linker ayaa ku gulaystay kabaha gool dhalinta koobka adduunka 1986-dii inkastoo xulkiisa aysan u soo bixin Seme Finalka.

1990, Salvatore Schillaci.

Weeraryahanka wadanka Talyaaniga Salvatore Schillaci ayaa noqday xidiga ugu gool dhaliska badan koobka adduunka 1990-kii isagoo saxiixay 6 gool 7 kulan oo koobka adduunka uu ka cayaaray.

Iyado wadanka Talyaaniga uu ku haray Seme Finalka koobka adduunka ee 1990-kii oo uu marti galinayay kadib rigoorayaal ay kaga adkaadeen dalka Argentina sidoo kale wuxuu noqday xidiga ugu wanaagsanaa tartankaas.

 1994, Hirsto Stoichkov.iyo Oleg Salenko.

Iyadoo Hirsto Stoichkov uu dalkiisa ka caawiyay in ay soo gaaraan Seme Finalka koobka aduunka  ayaa waxaa uu dhaliyay lix gool waxana ku wehliyay saaxibkisa Oleg Salenko.

Inkastoo uu 6-daas gool uu dhaliyay toichkov ayaa hadana wuxu ku guul daraystay in uu gool ka dhaliyo dalka Sweden kulankii kaalinta 3-aad.

1998, Davor Suker.

Waxay noqotay sanadkas markii ugu horeysay taariikhda koobka adduunka oo dalka Croatia uu ku guulaytay in uu kaalinta 3-aad ka galo koobka addunka wuxuuna Davor Suker uu dhaliyay goolashii ugu badnaa tartanka koobka adduunka ee Faransa lagu qabanayay.

2002, Ronaldo.

Waxaa uu ku guulaystay Ronaldo in uu 8 gool ku qaado gool dhalinta koobka adduunka isagoo dalkiisa ka caawiyay in ay ku guulaystaan koobka aduunka oo uu dhaliyay 2-dii gool ee Finalka.

 2006, Miroslav Klose,

Xidigaan Miroslav Klose  waxaa mararka qaar loogu yeeraa Pele-ga Jarmalka isagoo dhaliyay  5 gool isla markaana dalkiisa ka caawiyay in ay kaalinta 3-aad ka galaan tartanka isagoo 2002 dhaliyay 6 gool laakin waxaa qariyay Ronaldo oo 8 dhaliyay. 

2010, Thomas Muller.

Thomas Muller waa 20 jir wuxuu daboolay Klose oo loo filayay haddii xidig jarmal ah uu qaadayo gool dhalinta uu isaga noqon karo.

Thomas Muller wuxuu kaga adkaaday gool dhalinta xidigaha David Villa, Wesley Sneijder iyo Deigo Forlan.waxaana uu kaga qaaday dhinaca goolasha uu isaga baasay ee la dhaliyay kadib markii min  shan gool ay wada lahaadeen taas ayaana lagu kala saaray.