Paul waa magac uu leeyahay Noole ku nool Badda oo loo yaqaanno Octopus waxaana uu leeyahay 8 lugood iyo Saddex wadne ayaa noqday mid caanka ah kubadda cagta isagoo ku caan baxay saadaalinta kulamada dalka Jarmalka ayaa loolan ama tartan la galaayo shimbir ku nool dalka Singapore oo lagu magacaabo Mani parakeet.

Saadaaliye Paul xarshaad badeedka ayaa waxaa uu loolan kala kulmi doonaa shimbir ku nool dalka Singapore taasoo iyana saadalisay dhamaan kulamadii Seme Finalka kobka adduunka.

Xarshaash badeedka Paul waxaa uu ku dhashay Weymouth waxaana uuu saxay dhamaan kulamada uu cayaaray Jarmalka isagoo haatan sheegay In Spain ay noqon karto ama ay ku guulaysanayso koobka adduunka.

Laakin waxaa kusoo baxay shimbirka Mani oo 13 sanno jir ah kaas oo sheegay in Netherland ay qaadi karto koobka adduunka waana war wanaagsan oo taageerayasha wadanka Holland ay la dhaceen.

Shimbirkaan oo ku nool bariga fog ayaa waxaa leh nin odey ah oo 80 jir oo lagu magacaabo M Muniyappan ayaa sheegay in labo warqadood uu dhigaayo shimbirkaan hortiisa waxaana uu ku qarinaya calamada dalalka cayaara mid kasto oo kamid ah xaashiyaasha kadibna midka uu afka ku qaato ayaa badinaayo.

Muniyappan waa milkiilaha shimbirkaan ayaa ah nin ay ku tilmaamaan Nasiib sheege haddii si kale aan u qeexana waxaa ku tilmaami karnaa ninkaan in uu yahay Faalaloow ama Faaliye.

Munayappan ayaa u adeegsada Shimbirkaan saadaalinta iyadoo uu yahay mid uu ku shaqeysto dadkana ay u yimaadaan marka aydoonayaan in ay guursadaan ama walxo kael oo ay rabaan in ay ku dhaqaaqaan.

Muniyappan ayaa u ku dhashay dalka Hindia laakin u soo guuray Singapore 1953-dii waana markii ugu horeysay oo shimbirkaan uu u adeegsado dhabka Cayaaraha.