Barcelona oo bareejo dirqi ah kala soo laabatey Jarmalka, Bordeaux oo lug la gashay querter finaalaha Champions League

Zlatan

24.02.2010, deeyoo.com.

Kooxda difaacaneysa horyaalnimada Champions League Barcelona ayaa bareejo dirqi ah kala soo laabatay dalka Jarmalka markii ay 1-1 kusoo celiyeen kooxda Stuttgart oo soo bandhigtay cayaar aad u raali gelisay daawadayaashii soo xaadiray garoonka.

Stuttgart ayaa qeybtii hore sida ay doonto ka yeelaneysay cayaarta iyagoo qabtay hogaanka markii uu karoos fiican soo dhigay Timo Gebhart isla markaana uu teesto ku dhaliyey weeraryahanka qatarta ah Cacau.

Stuttgart ayaa isla qeybtii hore dhalin kartay goolal intaas ka badan hase yeeshee iska wada qasaariyey fursadihii kale ee ay heleen iyadoo kooxda weyn ee Barcelona  ka faa`ideysteen isqasaarintii Stuttgart shabaqana la heleen gool aad muhiim u ah markii uu Zlatan oo laba fursadood oo mataano ah helay, goolhaye Jens Lehmann ayaa tii hore badbaadiyey soona tufay laakiin Zlatan ayaa fursdii dambe daba mariyey Lehman natiijadii cayaartana ka dhigay bareejo min hal gool ah.

Gool uu qeybtii hore dhaliyey cayaaryahan Michael Ciani aya ku filnaaday in Bordeaux 1-0 banaanka uga soo adkato kooxda Olympiakos natiijo fiicana kula soo laabato dalkeeda ka hor wejiga labaad oo ay marti gelinayaan kooxda ka dhisan dalka Geriiga.

Bordeaux ayaa u muuqata iney lug la gashay querter finaalaha Champions League inkastoo weli 90 daqiiqo harsantahay iyagoo u baahan badis ama bareejo si ay u xaqiijiyaan soo bixitaankooda.

Asad A. Omar "afey"

deeyoo_edit@hotmail.com

 
 Halkan riix si aad deeyoo.com uga dhigato bogga hore

©2009  www.deeyoo.com