|
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
Manchester
United oo hanatey horyaalka dalka Ingiriiska 11.05.2008, deeyoo.com Manchester United ayaa noqotey horyaalka dalka Ingiriiska markii sidii la saadaalinaayey ay kasoo badiyeen kooxda Wigan oo ay 2-0 ku dhufteen taasoo quusisey rajadii yareyd oo ay Chelsea ka qabeen hanashada horyaalka. Chelsea oo rajadooda ku xirneyd iney badiyaan isla markaasna ay caawin ka helaan Wigan ayaana dhicin iyadoo Wigan loo awood sheegtay halka Chelsea daqiiqadii ugu dambeysey la bareejeeyey kulankii ay la lahaayeen Bolton oo 1-1 kusoo dhamaadey. C.Ronaldo ayaa kooxdiisa u dhaliyey gool rigoore ahaa qeybtii hore ee ciyaarta waxaana horyaalka u xaqiijiyey Man.United xidigooda ruug cadaaga ah Ryan Giggs markii uu goolkii labaad daliyey 10 daqiiqo ka hor dhamaadkii ciyaarta, Giggs kulankan wuxuu u ahaa mid taariikhi ah maadaama uu markii 7aad kooxdiisa kula guuleystey horyaalka Ingiriiska, wuxuu dhaliyey goolkii guusha isagoo tiigsadey iskoorka ah ciyaaryahanka saftey kulamada ugu badan ee kooxda Man.United oo uu hore keli ugu ahaa Bobby Charlton iyagoo saftey min 758, Giggs keli ayuu iskoorkaan ku noqonayaa hadii uu dheelo kulanka finaalaha Champions League oo ay 21ka bishan ku balansan yihiin kooxda Chelsea. Andriy Shevchenko ayaa dhaliyey goolka Chelsea ka hor intii uusan ilbiriqsiyadii ugu dambeeyey bareejeyn ciyaaryahan Kevin Davies, Chelsea oo kulankaan ka gacan sareysey Bolton ayaa la arkayey iney niyad jabeen laacibiinta Chelsea markii uu Giggs goolkii 2aad u dhaliyey kooxdiisa hase yeeshee markii ay ciyaarta dhamaatey ayey taageerayaasha Chelsea maqleen war farxad geliyey markii kabtankooda Terry oo garoonka bareelle looga qaadey dhaawac daran oo soo gaarey dartiis uu garoonka kusoo wareegay ciyaarta ka dib isagoo u sheegay inuu diyaar yahay 21ka May oo uu safan doono. Macalinka Chelsea ayaa dhambaal hambalyo ah oo ku aadan hanashada horyaalka u diray dhigiisa United isagoo kuna tilmaamay iney u qalmeen. - Alex Ferguson waa tababare weyn, waa akhyaar runtiina waa wax aan la rumeysan karin guulaha uu usoo hoyey Man.United, qadarin weyn baan u hayaa sidaa darteed bogaadinteydu waa kal iyo laab ayuu yiri tababare Avram Grant. Man.United horyaalkan wuxuu u yahay kii 17aad waxeyna aad ugu soo dhowaadeen Liverpool oo ah kooxda ugu horyaalka badan Ingiriiska oo 18 jeer ku guuleysatey, 10 ka mid ah waxey ku guuleysteen intii uu leylinayey Ferguson. Kooxda Fulham ayaa si la yaableh uga baxsatey iney ku laabtaan heerka 2aad markii ay badiyeen 4 ka mid ah 5tii kulan ee ugu dambeysey iyagoo kulankii maanta banaanka uga soo badiyey kooxda Portsmouth, waa markii ugu horeysey Fulham taariikhdeeda horyaalka Ingiriiska oo ay 3 kulan oo xiriir ah banaanka kusoo badiyaan iyadoo waqtigan ay aad ugu baahnaayeen. Kooxaha Reading iyo Birmingham ayaa iyaga kulamadoodii maanta badiyey hase yeeshee kuma filnaanin iney sanadka soo socda ka ciyaaraan horyaalka Ingiriiska oo waxey kulaabanayaan heerka 2aad waxaana sedexeysa Deby oo goor hore u dhaadhacdey heerka 2aad. Middlesbrough ayaa ceebeysey Man.City iyo macalinkooda markii ay kulankii ugu dambeeyey horyaalka sanadkan kaga adkaadeen 8-1 taasoo meesha ka saareysa shaki kasta oo laga qabay in tababare Eriksson sii heyn doono iyo inkale iyadoo maalmihii ugu dambeeyey lasoo warinaayey in la ceyrin doono marka uu dhamaado horyaalka. Waxaa sedexdaas koox bedeli doono kooxaha Stoke, W.Bromwich iyo mid ka mid ah kooxaha Hull, Bristol City, Crystal Palace iyo Watford oo isa soo kala reebi doono. Kulamadii maanta:
Kala horeynta kooxaha:
Asad A. Omar "afey" |
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
